വിദേശ രാജ്യങ്ങളില്‍ നിന്ന് മെഡിക്കല്‍ പഠനം പൂര്‍ത്തിയാക്കിയ ഡോക്ടര്‍മാര്‍ക്ക് കേരളത്തില്‍ ചികിത്സാനുമതി നിഷേധിക്കുന്നതായി പരാതി
ഡൂള്‍ന്യൂസ് ഡെസ്‌ക്
Sunday, 18th October 2020, 8:17 am
കോഴിക്കോട്: വിദേശ രാജ്യങ്ങളില്‍ നിന്ന് മെഡിക്കല്‍ പഠനം പൂര്‍ത്തിയാക്കിയ ഡോക്ടര്‍മാര്‍ക്ക് കേരളത്തില്‍ ചികിത്സ അനുമതി നിഷേധിക്കുന്നതായി പരാതി.
വിദേശ യൂണിവേഴ്‌സിറ്റികളില്‍ നിന്ന് എം.ബി.ബി.എസ് പൂര്‍ത്തിയാക്കി ഇന്ത്യന്‍ മെഡിക്കല്‍ കൗണ്‍സില്‍ യോഗ്യത പരീക്ഷ പാസായ ആയിരത്തിലേറെ ഡോക്ടര്‍മാര്‍ വിവിധ സംസ്ഥാനങ്ങളിലെ സര്‍ക്കാര്‍ ആശുപത്രികളില്‍ ജോലി ചെയ്യുന്നുണ്ട്. എന്നാല്‍ ഇവര്‍ക്ക് കേരളത്തില്‍ അവസരങ്ങള്‍ ലഭിക്കുന്നില്ലെന്നാണ് ആരോപണം.
മറ്റ് സംസ്ഥാനങ്ങളില്‍ പ്രാക്ടീസ് ചെയ്യുന്നവരെ പല കാരണങ്ങള്‍ പറഞ്ഞ് അകറ്റി നിര്‍ത്തുകയാണെന്നാണ് പരാതി. കൊവിഡ് സെന്ററുകളിലും ആശുപത്രികളിലും ജോലി ചെയ്യാന്‍ തയ്യാറാണെന്ന് കാണിച്ച് സംസ്ഥാന സര്‍ക്കാരിനും ആരോഗ്യ വകുപ്പിനും പലരും അപേക്ഷകള്‍ സമര്‍പ്പിച്ചിരുന്നു.
