ബി.ജെ.പി പ്രവര്‍ത്തിക്കുന്നത് രണ്ട് ശതമാനം ഹിന്ദുക്കള്‍ക്ക് വേണ്ടി മാത്രം; വിമര്‍ശനവുമായി കനിമൊഴി
ഡൂള്‍ന്യൂസ് ഡെസ്‌ക്
Wednesday, 20th January 2021, 3:23 pm
നാഗര്‍കോവില്‍: രാജ്യത്തെ ബി.ജെ.പി വെറും രണ്ട് ശതമാനമുള്ള ഒരു വിഭാഗം ഹിന്ദുക്കള്‍ക്കായി മാത്രമാണ് പ്രവര്‍ത്തിക്കുന്നതെന്ന് ഡി.എം.കെ നേതാവ് കനിമൊഴി. പിന്നോക്കക്കാരുള്‍പ്പെടെ എല്ലാ വിഭാഗം ഹിന്ദുക്കളുടെയും സംരക്ഷകരാകാന്‍ ബി.ജെ.പിക്കാവില്ലെന്നും കനിമൊഴി പറഞ്ഞതായി വിവിധ മാധ്യമങ്ങള്‍ റിപ്പോര്‍ട്ട് ചെയ്തു.
തമിഴ് നാട് മുഖ്യമന്ത്രി എടപ്പാടി കെ. പളനിസ്വാമിയെയും കനിമൊഴി വിമര്‍ശിച്ചു. നാടിന് എതിരായി കൊണ്ടുവരുന്ന എല്ലാ പദ്ധതികളെയും ഇരുകൈയും നീട്ടി സ്വീകരിക്കുകയാണ് തമിഴ്‌നാട് മുഖ്യമന്ത്രി ചെയ്യുന്നതെന്നാണ് കനിമൊഴി പറഞ്ഞത്.
സ്ത്രീകള്‍ക്ക് ഒറ്റയ്ക്കും സ്വതന്ത്രമായും സംസ്ഥാനത്ത് കഴിയാന്‍ സാധിക്കാത്ത സ്ഥിതിയാണ് നിലവിലുള്ളതെന്നും കനിമൊഴി പറഞ്ഞു.
