കര്‍ണാടക ഉപതെരഞ്ഞെടുപ്പില്‍ കോണ്‍ഗ്രസ് തുറുപ്പ് ചീട്ട് ഡി.കെ ശിവകുമാര്‍ തന്നെ, മുന്നിലിറങ്ങി ട്രബിള്‍ ഷൂട്ടര്‍
ഡൂള്‍ന്യൂസ് ഡെസ്‌ക്
Thursday, 28th November 2019, 8:35 am
കര്‍ണാടക ഉപതെരഞ്ഞെടുപ്പ് പ്രചരണ പ്രവര്‍ത്തനങ്ങള്‍ ആരംഭിച്ച് കോണ്‍ഗ്രസ് ട്രബിള്‍ ഷൂട്ടര്‍ ഡി.കെ ശിവകുമാര്‍. ഉപതെരഞ്ഞെടുപ്പ് നടക്കുന്ന തെക്കന്‍ കര്‍ണാടകയിലെ മണ്ഡലങ്ങളിലൂടെയുള്ള പ്രചരണമാണ് ശിവകുമാര്‍ ഇപ്പോള്‍ നടത്തുന്നത്. 15 മണ്ഡലങ്ങളിലേക്കുള്ള തെരഞ്ഞെടുപ്പ് ഡിസംബര്‍ അഞ്ചിനാണ് നടക്കുന്നത്.
പ്രചരണത്തിന്റെ രണ്ടാം ഘട്ടത്തിലാണ് ശിവകുമാറിനെ കോണ്‍ഗ്രസ് ഇറക്കിയിരിക്കുന്നത്. മണ്ഡലങ്ങളിലെ വൊക്കലിഗ സമുദായത്തിന്റെ വോട്ടുകള്‍ പ്രചരണത്തിന്റെ അവസാന നിമിഷങ്ങളില്‍ നേടിയെടുക്കുക എന്നതാണ് ശിവകുമാറിന്റെ ലക്ഷ്യം. വൊക്കലിഗ സമുദായത്തിന് കൂടുതല്‍ സ്വാധീനമുള്ള മണ്ഡലങ്ങളിലാണ് പ്രചരണത്തില്‍ ശിവകുമാര്‍ കൂടുതല്‍ സമയം ചെലവഴിക്കുന്നത്.
