ന്യൂദല്‍ഹി: സുഹൃത്തുക്കളോടൊപ്പം ജന്മദിനം ആഘോഷിക്കാനെത്തിയ യുവാക്കളും ബാര്‍ ജീവനക്കാരും തമ്മില്‍ സംഘര്‍ഷം. സംഭവത്തിനിടെ യുവാവ് കൊല്ലപ്പെട്ടു.
ബാര്‍ ഡി.ജെയായ ദീപക് ബിഷ്ത്താണ് ഒരു പാട്ടിനെ ചൊല്ലിയുള്ള തര്‍ക്കത്തില്‍ ബാറിലെത്തിയ യുവാവിനെ ബിയര്‍ ബോട്ടില്‍ പൊട്ടിച്ച് കുത്തിക്കൊലപ്പെടുത്തിയത്. പടിഞ്ഞാറന്‍ ദല്‍ഹിക്കടുത്തുള്ള ബാറിലാണ് സംഭവം.
ഗുരുതരമായി പരിക്കേറ്റ വിജയ്ദീപ് എന്ന യുവാവ് തല്‍ക്ഷണം മരിക്കുകയായിരുന്നു.
ബാറില്‍ സുഹൃത്തുക്കള്‍ക്കൊപ്പം ജന്മദിനം ആഘോഷിക്കാനെത്തിയതാണ് വിജയ്ദീപ്. ആഘോഷങ്ങള്‍ നടക്കുന്നതിനിടെ ഡിജെയോട് ഇയാള്‍ പാട്ട് മാറ്റാന്‍ ആവശ്യപ്പെട്ടിരുന്നു.
എന്നാല്‍ തല്‍ക്കാലം പാട്ട് മാറ്റാന്‍ കഴിയില്ലെന്ന് ദീപക് പറഞ്ഞു. തുടര്‍ന്നുണ്ടായ തര്‍ക്കമാണ് കൊലപാതകത്തില്‍ കലാശിച്ചത്.
ഇരുവരും വാക്കുതര്‍ക്കത്തില്‍ ഏര്‍പ്പെടുകയും തുടര്‍ന്ന് തന്റെ കൈയ്യില്‍ കിട്ടിയ ബിയര്‍ബോട്ടില്‍ പൊട്ടിച്ച് ദീപക് വിജയ്ദീപിനെ കുത്തുകയായിരുന്നു. ഗുരുതരമായി പരിക്കേറ്റ വിജയ്ദീപ് ആശുപത്രിയിലെത്തിക്കുന്നതിനു മുമ്പ് തന്നെ കൊല്ലപ്പെട്ടു.
ഇവരോടൊപ്പം ബാറില്‍ ആഘോഷങ്ങള്‍ക്കായെത്തിയ പെണ്‍കുട്ടിയ്ക്കും പരിക്കേറ്റതായി റിപ്പോര്‍ട്ടുകളുണ്ട്. തലയ്ക്ക് പരിക്കേറ്റ കുട്ടിയെ ഉടന്‍ തന്നെ ആശുപത്രിയില്‍ പ്രവേശിപ്പിച്ചു. കുട്ടി അപകടനില തരണം ചെയ്തിട്ടില്ലെന്നാണ് ഡോക്ടര്‍മാര്‍ പറഞ്ഞത്. ബാറിലെ സി.സി.ടി.വി ദൃശ്യങ്ങളില്‍ നിന്നാണ് പൊലീസ് ദീപകിനെ അറസ്റ്റ് ചെയ്തത്.
ന്യൂദല്‍ഹി: സുഹൃത്തുക്കളോടൊപ്പം ജന്മദിനം ആഘോഷിക്കാനെത്തിയ യുവാക്കളും ബാര്‍ ജീവനക്കാരും തമ്മില്‍ സംഘര്‍ഷം. സംഭവത്തിനിടെ യുവാവ് കൊല്ലപ്പെട്ടു.
ബാര്‍ ഡി.ജെയായ ദീപക് ബിഷ്ത്താണ് ഒരു പാട്ടിനെ ചൊല്ലിയുള്ള തര്‍ക്കത്തില്‍ ബാറിലെത്തിയ യുവാവിനെ ബിയര്‍ ബോട്ടില്‍ പൊട്ടിച്ച് കുത്തിക്കൊലപ്പെടുത്തിയത്. പടിഞ്ഞാറന്‍ ദല്‍ഹിക്കടുത്തുള്ള ബാറിലാണ് സംഭവം.
ഗുരുതരമായി പരിക്കേറ്റ വിജയ്ദീപ് എന്ന യുവാവ് തല്‍ക്ഷണം മരിക്കുകയായിരുന്നു.
ബാറില്‍ സുഹൃത്തുക്കള്‍ക്കൊപ്പം ജന്മദിനം ആഘോഷിക്കാനെത്തിയതാണ് വിജയ്ദീപ്. ആഘോഷങ്ങള്‍ നടക്കുന്നതിനിടെ ഡിജെയോട് ഇയാള്‍ പാട്ട് മാറ്റാന്‍ ആവശ്യപ്പെട്ടിരുന്നു.
എന്നാല്‍ തല്‍ക്കാലം പാട്ട് മാറ്റാന്‍ കഴിയില്ലെന്ന് ദീപക് പറഞ്ഞു. തുടര്‍ന്നുണ്ടായ തര്‍ക്കമാണ് കൊലപാതകത്തില്‍ കലാശിച്ചത്.
ഇരുവരും വാക്കുതര്‍ക്കത്തില്‍ ഏര്‍പ്പെടുകയും തുടര്‍ന്ന് തന്റെ കൈയ്യില്‍ കിട്ടിയ ബിയര്‍ബോട്ടില്‍ പൊട്ടിച്ച് ദീപക് വിജയ്ദീപിനെ കുത്തുകയായിരുന്നു. ഗുരുതരമായി പരിക്കേറ്റ വിജയ്ദീപ് ആശുപത്രിയിലെത്തിക്കുന്നതിനു മുമ്പ് തന്നെ കൊല്ലപ്പെട്ടു.
ഇവരോടൊപ്പം ബാറില്‍ ആഘോഷങ്ങള്‍ക്കായെത്തിയ പെണ്‍കുട്ടിയ്ക്കും പരിക്കേറ്റതായി റിപ്പോര്‍ട്ടുകളുണ്ട്. തലയ്ക്ക് പരിക്കേറ്റ കുട്ടിയെ ഉടന്‍ തന്നെ ആശുപത്രിയില്‍ പ്രവേശിപ്പിച്ചു. കുട്ടി അപകടനില തരണം ചെയ്തിട്ടില്ലെന്നാണ് ഡോക്ടര്‍മാര്‍ പറഞ്ഞത്. ബാറിലെ സി.സി.ടി.വി ദൃശ്യങ്ങളില്‍ നിന്നാണ് പൊലീസ് ദീപകിനെ അറസ്റ്റ് ചെയ്തത്.