താരങ്ങള്‍ ദീര്‍ഘമായ ഇടവേളകള്‍ക്ക് ശേഷം സിനിമയിലേക്ക് തിരിച്ചെത്തുന്നത് പതിവ് കാഴ്ചയാണ്. അത്തരത്തില്‍ ഒരു താരത്തിന്റെ തിരിച്ചുവരവ് ഉണ്ടാകുമോയെന്ന പ്രതീക്ഷയിലാണ് മലയാളസിനിമാപ്രേക്ഷകര്‍.
മറ്റാരുടെയുമല്ല, മലയാളത്തിന്റെ പ്രിയനായികയായി ഒരു കാലത്ത് തിളങ്ങിയിരുന്ന നടിയായിരുന്നു ദിവ്യ ഉണ്ണിയുടെ തിരിച്ചുവരവിനെപ്പറ്റിയാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ചകള്‍ പുരോഗമിക്കുന്നത്.
സിനിമയില്‍ തിരിച്ചെത്തുമോയെന്ന കാര്യം വ്യക്തമല്ലെങ്കിലും നൃത്തത്തിന്റെ ലോകത്ത് സജീവമാകാനാണ് ദിവ്യയുടെ തീരുമാനമെന്ന് ഇപ്പോള്‍ പുറത്തിറങ്ങിയ നടിയുടെ വീഡിയോകളില്‍ പറയുന്നു. നൃത്തത്തിന്റെ തിരക്കുകളില്‍ സജീവമാകുന്ന ദിവ്യയുടെ ചില രംഗങ്ങളാണ് ഇപ്പോള്‍ തരംഗമായിക്കൊണ്ടിരിക്കുന്നത്.
MUST READ: എന്റെ ആത്മാവിന്റെ പകുതി കേരളത്തില്‍ വെച്ചാണ് പോകുന്നത്; മലയാളികളോട് യാത്ര പറഞ്ഞ് ‘സുഡുമോന്‍’
നൃത്തമഭ്യസിക്കുന്നതിന്റെ ദൃശ്യങ്ങള്‍ ദിവ്യ തന്നെയാണ് ആരാധകര്‍ക്കുമുന്നില്‍ പരസ്യപ്പെടുത്തിയത്. തന്റെ പ്രധാന ലോകമായ നൃത്തത്തിലൂടെ ആരാധകര്‍ക്കിടയില്‍ തരംഗംസൃഷ്ടിക്കുകയാണ് താരമിപ്പോള്‍.