വോട്ടര്‍മാര്‍ക്ക് പണം നല്‍കി സ്വാധീനിക്കാന്‍ ശ്രമമെന്നാരോപണം; സ്റ്റാലിനേയും മകനേയും അയോഗ്യനാക്കണമെന്ന് തെരഞ്ഞെടുപ്പ് കമ്മീഷന് പരാതി
ഡൂള്‍ന്യൂസ് ഡെസ്‌ക്
Monday, 5th April 2021, 5:36 pm
ചെന്നൈ: ഡി.എം.കെ അധ്യക്ഷന്‍ എം.കെ സ്റ്റാലിന്‍, മകന്‍ ഉദയനിധി സ്റ്റാലിന്‍ എന്നിവരടക്കം അഞ്ച് സ്ഥാനാര്‍ത്ഥികളെ അയോഗ്യരാക്കണമെന്നാവശ്യപ്പെട്ട് എ.ഐ.എ.ഡി.എം.കെ തെരഞ്ഞെടുപ്പ് കമ്മീഷന് പരാതി നല്‍കി. വോട്ടര്‍മാരെ പണം നല്‍കി സ്വാധീനിക്കാന്‍ ശ്രമിച്ചുവെന്നാണ് പരാതി.
അഞ്ച് മണ്ഡലങ്ങളിലെ തെരഞ്ഞെടുപ്പ് റദ്ദാക്കണമെന്നും പരാതിയില്‍ പറയുന്നു. കൊളത്തൂര്‍ മണ്ഡലത്തില്‍ മത്സരിക്കുന്ന സ്റ്റാലിന്‍, ചെപ്പോക്കില്‍ മത്സരിക്കുന്ന ഉദയനിധി സ്റ്റാലിന്‍, കാട്പ്പടിയില്‍ മത്സരിക്കുന്ന ദുരൈ മുരുഗന്‍, തിരുച്ചിറപ്പള്ളിയില്‍ മത്സരിക്കുന്ന നെഹ്‌റു, തിരുവണ്ണാമലൈയില്‍ മത്സരിക്കുന്ന വേലു എന്നിവര്‍ക്കെതിരെയാണ് പരാതി.
