ബി.ജെ.പിയില്‍ മുഖ്യമന്ത്രി കസേരയ്ക്ക് തമ്മില്‍ത്തല്ല്? യെദിയൂരപ്പയ്ക്ക് പകരക്കാരനെ കണ്ടെത്താന്‍ നീക്കമെന്ന് റിപ്പോര്‍ട്ട്; ഇല്ലെന്ന് നേതൃത്വം
ഡൂള്‍ന്യൂസ് ഡെസ്‌ക്
Monday, 26th October 2020, 10:02 pm
ബെംഗളൂരു: കര്‍ണാടക ബി.ജെ.പിയില്‍ മുഖ്യമന്ത്രി ബി.എസ് യെദിയൂരപ്പയ്ക്കെതിരെ പാര്‍ട്ടിയ്ക്കകത്തു നിന്നുതന്നെ നീക്കങ്ങള്‍ നടക്കുന്നതായുള്ള റിപ്പോര്‍ട്ടുകള്‍ നേരത്തെ തന്നെ പുറത്തുവന്നിരുന്നു. ഇപ്പോള്‍ വീണ്ടും അത്തരത്തിലുള്ള ചര്‍ച്ചകള്‍ സജീവമായിരിക്കുകയാണ്.
കര്‍ണാടക ബി.ജെ.പിയില്‍ നേതൃമാറ്റത്തിന് പാര്‍ട്ടിക്കകത്ത് നീക്കങ്ങള്‍ നടക്കുന്നുണ്ടെന്നാണ് റിപ്പോര്‍ട്ട്.
കേന്ദ്രമന്ത്രി പ്രഹ്ലാദ് ജോഷിയെ ചുറ്റിപ്പറ്റിയാണ് ഇപ്പോള്‍ ചര്‍ച്ചകള്‍ നടക്കുന്നത്.
യെദിയൂരപ്പയ്ക്ക് പകരം മുഖ്യമന്ത്രി സ്ഥാനത്തേക്ക് പ്രഹ്ലാദ് ജോഷി എത്തുമെന്ന തരത്തിലാണ് ചര്‍ച്ചകള്‍ നടക്കുന്നത്.
