ഐ.പി.എല്ലില്‍ കൊല്‍ക്കത്ത നൈറ്റ് റൈഡേഴ്സിനെതിരെ ഗുജറാത്ത് ടൈറ്റന്‍സ്
ആദ്യം ബാറ്റ് ചെയ്യുകയാണ്. ടോസ് നേടിയ ഗുജറാത്ത് നായകന്‍ കൊല്‍ക്കത്തയെ ബാറ്റിങ്ങിനയക്കുകയായിരുന്നു.
10 പോയിന്റുള്ള ഗുജറാത്ത് നിലവില്‍ രണ്ടാം സ്ഥാനത്താണ്. ഈ സീസണില്‍ രണ്ടാമത്തെ മത്സരത്തിലാണ് കൊല്‍ക്കത്തയെ ഗുജറാത്ത് നേരിടുന്നത്. ആദ്യമായി ഈ സീസണില്‍ ഇരുവരും നേര്‍ക്കുനേര്‍ വന്നപ്പോള്‍ കൊല്‍ക്കത്തക്കായിരുന്നു വിജയം. എന്നാല്‍ ഈ മത്സരത്തില്‍ വിജയിച്ച് പോയിന്റ് ടേബിളില്‍ മുന്നിലെത്തുക എന്ന പ്രതീക്ഷയോടെയാണ് ഗുജറാത്ത് ഇന്ന് കൊല്‍ക്കത്തയെ നേരിടുന്നത്.
Always an inspiration! Wishing you the best birthday Master 🤗 Lots of hugs, love and happiness ❤️ @sachin_rt pic.twitter.com/JeScw9RAtT
— hardik pandya (@hardikpandya7) April 24, 2023
ഇതിനിടയില്‍ മത്സരത്തിന്റെ ടോസിങ്ങിന് തൊട്ടുമുമ്പ് ഗുജറാത്ത് നായകന്‍ ഹര്‍ദിക് പാണ്ഡ്യയും ടീമിന്റെ കോച്ചിങ് സ്റ്റാഫില്‍ ഒരാളായ ആശിഷ് നെഹ്‌റയും തമ്മിലുള്ള ബോണ്ടിങ്ങിന്റെ ദൃശ്യങ്ങളാണ് സമൂഹ മാധ്യമങ്ങളില്‍ ചര്‍ച്ചയാകുന്നത്.
ഇരുവരും ഏറ്റവും അടുത്ത സ്‌നേഹിതരെ പോലെ തോളില്‍ കയ്യിട്ട് സൗഹൃദം പങ്കിടുന്ന ദൃശ്യങ്ങളാണ് ആരാധകര്‍ ഏറ്റെടുത്തിരിക്കുന്നത്. ‘കേവലം കോച്ചും ക്യാപ്റ്റനുമപ്പുറം ഇവര് സഹോദരങ്ങളാണ്’ എന്ന ക്യാപ്ഷനോടെയാണ് പലരും ഇരുവരുടെയും സൗഹൃദ നിമിഷങ്ങള്‍ സമൂഹ മാധ്യമങ്ങളില്‍ പങ്കുവെക്കുന്നത്.
