വീടിന് നേരെ അയല്‍വാസി ബോംബെറിഞ്ഞു; തിരുവനന്തപുരത്ത് ഭിന്നശേഷിക്കാരന്‍ കൊല്ലപ്പെട്ടു
ഡൂള്‍ന്യൂസ് ഡെസ്‌ക്
Wednesday, 12th May 2021, 11:39 am
തിരുവനന്തപുരം: കുന്നത്തുകാലില്‍ ഭിന്നശേഷിക്കാരനെ അയല്‍വാസി ബോംബെറിഞ്ഞ് കൊന്നു. അരുവിയോട് സ്വദേശി വര്‍ഗീസാണ് മരിച്ചത്.
ബുധനാഴ്ച രാവിലെയാണ് വര്‍ഗീസിന്റെ വീട്ടിലേക്ക് അയല്‍വാസി പെട്രോള്‍ ബോംബെറിഞ്ഞത്. ഗുരുതരമായി പരിക്കറ്റ വര്‍ഗീസിനെ ആശുപത്രിയിലെത്തിച്ചെങ്കിലും രക്ഷിക്കാനായില്ല.
അയല്‍വാസികള്‍ തമ്മിലുള്ള തര്‍ക്കമാണ് ബോംബേറില്‍ കലാശിച്ചതെന്നാണ് പൊലീസ് പറയുന്നത്. ബോംബെറിഞ്ഞ അയല്‍വാസി സെബാസ്റ്റിയനെ പൊലീസ് അറസ്റ്റ് ചെയ്തിട്ടുണ്ട്.
വര്‍ഗീസും സെബാസ്റ്റ്യനും തമ്മില്‍ നേരത്തെ തന്നെ പ്രശ്‌നങ്ങളുണ്ടായിരുന്നു. വര്‍ഗീസ് നടത്തുന്ന ശവപ്പെട്ടി കടയുമായി ബന്ധപ്പെട്ടായിരുന്നു സെബാസ്റ്റ്യനുമായി തര്‍ക്കം നിലനിന്നിരുന്നത്.
