സണ്ണി ലിയോണിനൊപ്പമുള്ള ഷൂട്ടിംഗ് വളരെ എളുപ്പമായിരുന്നു, അതിന് സഹായിച്ചത് ഇക്കാര്യം; മലയാള ചിത്രം ഷീറോയുടെ സംവിധായകന്‍ ശ്രീജിത്ത്
എന്റര്‍ടെയിന്‍മെന്റ് ഡെസ്‌ക്
Friday, 30th July 2021, 6:39 pm
ബോളിവുഡ് താരം സണ്ണി ലിയോണ്‍ ആദ്യമായി മലയാളത്തില്‍ നായികയായി എത്തുന്ന ചിത്രമാണ് ഷീറോ. വിവിധ ഭാഷകളിലായി ഇറങ്ങുന്ന ചിത്രത്തില്‍ അമേരിക്കയില്‍ ജനിച്ചു വളര്‍ന്ന ഇന്ത്യന്‍ വംശജയായ സാറ മൈക്ക് എന്ന കഥാപാത്രമായിട്ടാണ് സണ്ണി ലിയോണ്‍ എത്തുന്നത്.
സൈക്കോളജിക്കല്‍ ത്രില്ലര്‍ വിഭാഗത്തിലെത്തുന്ന ചിത്രം സാധാരണ ത്രില്ലര്‍ സിനിമകളില്‍ നിന്നും വ്യത്യസ്തമായ അനുഭവമായിരിക്കുമെന്നാണ് സംവിധായകന്‍ ശ്രീജിത്ത് വിജയന്‍ പറയുന്നത്.
ഒരു കുറ്റകൃത്യവും അന്വേഷണവും എന്ന പാറ്റേണിനപ്പുറത്തേക്ക് ഒരു കഥാപാത്രത്തിന്റെ മാനസികനിലകളെ ആഴത്തില്‍ പഠിക്കുന്ന ചിത്രമായിരിക്കും ഷീറോയെന്ന് സംവിധായകന്‍ പറഞ്ഞു.
ഷീറോയുടെ ഷൂട്ടിംഗ് കഴിഞ്ഞ ദിവസം പൂര്‍ത്തിയായിരുന്നു. സണ്ണി ലിയോണിനൊപ്പമുള്ള ഷൂട്ടിംഗ് അനുഭവങ്ങളെ കുറിച്ച് എന്റര്‍ടെയ്ന്‍മെന്റ് ടൈംസിന് നല്‍കിയ അഭിമുഖത്തില്‍ ശ്രീജിത്ത് സംസാരിച്ചു.
