മറ്റുള്ളവരില്‍ നിന്ന് വിപരീതമായി ഏറ്റവും കൂടുതല്‍ ഹോം വര്‍ക്ക് ചെയ്യുന്ന നടനാണ് മമ്മൂട്ടി, പക്ഷേ അത് പുറമേക്ക് ഭാവിക്കില്ല: സത്യന്‍ അന്തിക്കാട്
എന്റര്‍ടെയിന്‍മെന്റ് ഡെസ്‌ക്
Friday, 15th October 2021, 11:30 am
മലയാളത്തിന്റെ മെഗാസ്റ്റാര്‍ മമ്മൂട്ടിയെ കുറിച്ചും തനിക്ക് ഇഷ്ടപ്പെട്ട മമ്മൂട്ടിയുടെ കഥാപാത്രങ്ങളെ കുറിച്ചും മനസുതുറക്കുകയാണ് സംവിധായകന്‍ സത്യന്‍ അന്തിക്കാട്.
മറ്റുള്ളവരില്‍ നിന്ന് വിപരീതമായി ഏറ്റവും കൂടുതല്‍ ഹോം വര്‍ക്ക് ചെയ്യുന്ന നടനാണ് മമ്മൂട്ടിയെന്നും അത് പക്ഷേ മമ്മൂട്ടി പുറമേക്ക് ഭാവിക്കാറില്ലെന്നും സത്യന്‍ അന്തിക്കാട് ഫ്‌ളാഷ് മൂവീസിന് നല്‍കിയ അഭിമുഖത്തില്‍ പറയുന്നു.
ഒരു വടക്കന്‍ വീരഗാഥയുടെ ഷൂട്ടിംഗ് തുടങ്ങുന്നതിനും മാസങ്ങള്‍ക്ക് മുന്‍പ് എം.ടിയെക്കൊണ്ട് അതിലെ ഡയലോഗുകള്‍ പറയിച്ച് റെക്കോഡ് ചെയ്ത് കാര്‍ യാത്രകളിലൊക്കെ മമ്മൂട്ടി അത് ഉരുവിട്ട് പഠിക്കുന്നത് ഞാന്‍ കേട്ടിട്ടുണ്ട്.
