വേറിട്ട പ്രമോഷന്‍; തിയേറ്ററില്‍ സ്ത്രീ വേഷത്തില്‍ സംവിധായകന്‍ രാജസേനന്‍
എന്റര്‍ടെയിന്‍മെന്റ് ഡെസ്‌ക്
Friday, 30th June 2023, 1:50 pm
തിയേറ്ററില്‍ സ്ത്രീ വേഷത്തിലെത്തി സംവിധായകന്‍ രാജസേനന്‍. ഞാനും പിന്നൊരു ഞാനും എന്ന പുതിയ ചിത്രത്തിന്റെ റിലീസ് ദിനത്തിലാണ് വേറിട്ട പ്രൊമോഷനുമായി രാജസേനനെത്തിയത്.
‘ഞാനും പിന്നൊരു ഞാനും എന്ന പേരിലെ പിന്നൊരു ഞാന്‍ ഇതാണ്. വളരെ വ്യത്യസ്തമായ സിനിമയാണ്. ഒരു വ്യത്യാസം വേണ്ടേ, ജീവിക്കുന്ന കാലഘട്ടത്തിനനുസരിച്ച് ഓടണമല്ലോ. ആറ് മാസത്തില് ഷൂട്ടിങ് കഴിഞ്ഞ ചിത്രത്തിലെ ഒരു സ്റ്റില്‍ പോലും പുറത്ത് പോയിട്ടില്ല. പക്ഷേ ഇന്ന് നൂണ്‍ഷോ കഴിഞ്ഞപ്പോള് സസ്‌പെന്‍സ് കഴിഞ്ഞു. മാത്രവുമല്ല ഈ വേഷത്തിലുള്ള പോസ്റ്റര്‍ വരുന്നുണ്ട്,’ രാജസേനന്‍ പറഞ്ഞു.
