ശകുന്തളയുടെ മൃദുലമായ രൂപത്തിന് ആബ്‌സും ബൈസപ്‌സും ചേരില്ല, അത് മാറ്റണമെന്ന് സാമന്തയോട് പറഞ്ഞിരുന്നു: ഗുണശേഖര്‍
എന്റര്‍ടെയിന്‍മെന്റ് ഡെസ്‌ക്
Sunday, 23rd April 2023, 4:37 pm
ശാകുന്തളം സിനിമക്കായി രൂപത്തില്‍ മാറ്റം വരുത്തണമെന്ന് സാമന്തയോട് താന്‍ ആവശ്യപ്പെട്ടിരുന്നുവെന്ന് സംവിധായകന്‍ ഗുണശേഖര്‍. ശകുന്തളയുടേത് ലോലവും മൃദുലവുമാണെന്നും ആബ്‌സും ബൈസെപ്‌സും ചേരില്ലെന്നും സാമന്തയോട് പറഞ്ഞിരുന്നുവെന്നും ഗുണശേഖര്‍ പറഞ്ഞു.
സാമന്തയല്ലാതെ ശകുന്തളയെ അവതരിപ്പിക്കാനായി മറ്റൊരു ഓപ്ഷന്‍ തനിക്കില്ലായിരുന്നുവെന്നും ഇ ടൈംസിന് നല്‍കിയ അഭിമുഖത്തില്‍ ഗുണശേഖര്‍ പറഞ്ഞു.
‘ലോലവും ദുര്‍ബലവും മനോഹരവുമായ ശരീരമായിരുന്നു ശകുന്തളക്ക് വേണ്ടിയിരുന്നത്. അതിനാല്‍ ശരീരത്തില്‍ മൃദുത്വം കൊണ്ടുവരുവാനും ബൈസെപ്‌സും ആബ്‌സും ഒഴിവാക്കാനും പറഞ്ഞിരുന്നു. ആദ്യത്തെ നരേഷനില്‍ സാമന്ത നോ പറഞ്ഞിരുന്നില്ല. എന്നാല്‍ ആരോഗ്യപ്രശ്‌നങ്ങളുള്ളതിനാല്‍ സാമന്ത സമയം ചോദിച്ചിരുന്നു.
