തൊണ്ടിമുതലിലെ കള്ളനാവാന്‍ വേണ്ടി ആദ്യം ആലോചിച്ചിരുന്നത് ഫഹദിനെയല്ല സൗബിനെ: ദിലീഷ് പോത്തന്‍
എന്റര്‍ടെയിന്‍മെന്റ് ഡെസ്‌ക്
Monday, 27th December 2021, 1:50 pm
2018ല്‍ മികച്ച സഹനടനുള്ള ദേശീയ ചലച്ചിത്ര പുരസ്‌കാരം ഫഹദ് ഫാസിലിന് നേടിക്കൊടുത്ത ചിത്രമാണ് ദിലീഷ് പോത്തന്‍ സംവിധാനം ചെയ്ത തൊണ്ടിമുതലും ദൃക്‌സാക്ഷിയും.
നടന്‍ കൂടിയായ ദിലീഷ് പോത്തന്റെ സംവിധാന സംരംഭത്തില്‍ പുറത്തിറങ്ങിയ രണ്ടാമത്തെ സിനിമയായിരുന്നു തൊണ്ടിമുതല്‍.
തൊണ്ടിമുതലില്‍ കള്ളന്റെ വേഷം ചെയ്യാന്‍ വേണ്ടി ഫഹദിന് മുമ്പ് ആദ്യഘട്ടത്തില്‍ ആലോചിച്ചിരുന്നത് സൗബിന് ഷാഹിറിനെയായിരുന്നെന്നും എന്നാല്‍ സൗബിന് സംവിധാനം ചെയ്ത പറവ സിനിമയുമായി ബന്ധപ്പെട്ട തിരക്കുകള്‍ കാരണം അത് പിന്നീട് മാറി ചിന്തിക്കുകയായിരുന്നെന്നുമാണ് ദിലീഷ് പറയുന്നത്.
അമിത് ചക്കാലക്കല്‍ നായകനായ ഏറ്റവും പുതിയ ചിത്രം ജിബൂട്ടിയുടെ പ്രമോഷന്റെ ഭാഗമായി ബിഹൈന്‍ഡ് വുഡ്‌സിന് നല്‍കിയ അഭിമുഖത്തിലായിരുന്നു ദിലീഷ് പോത്തന്‍ ഇക്കാര്യം പറഞ്ഞത്.
