ദിലീഷ് പോത്തന്‍ 2024; അഭിനയിച്ചത് അഞ്ച് സിനിമകള്‍, അതില്‍ മൂന്നും ത്രില്ലറുകള്‍
വി. ജസ്‌ന
Friday, 7th June 2024, 6:11 pm
മലയാള സിനിമയില്‍ നടന്‍, സംവിധായകന്‍, നിര്‍മാതാവ് എന്നീ നിലകളില്‍ ശ്രദ്ധേയനായ വ്യക്തിയാണ് ദിലീഷ് പോത്തന്‍. 2011ല്‍ പുറത്തിറങ്ങിയ സാള്‍ട്ട് എന്‍ പെപ്പര്‍ എന്ന ചിത്രത്തിലൂടെയാണ് അദ്ദേഹം അഭിനയം ആരംഭിക്കുന്നത്.
പിന്നീട് 22 ഫീമെയില്‍ കോട്ടയം, അഞ്ച് സുന്ദരികള്‍, ഇടുക്കി ഗോള്‍ഡ്, ഇയ്യോബിന്റെ പുസ്തകം ഉള്‍പ്പെടെയുള്ള സിനിമകളിലെ അഭിനയത്തിലൂടെ താരം ശ്രദ്ധ നേടി.
2016ല്‍ ഫഹദ് ഫാസിലെ നായകനാക്കി പുറത്തിറങ്ങിയ മഹേഷിന്റെ പ്രതികാരം എന്ന ചിത്രത്തിലൂടെയാണ് ദിലീഷ് പോത്തന്‍ ആദ്യമായി സംവിധായകനായി അരങ്ങേറ്റം കുറിച്ചത്. പിന്നീട് അദ്ദേഹത്തിന്റെ സംവിധാനത്തില്‍ വന്ന തൊണ്ടിമുതലും ദൃസാക്ഷിയും, ജോജി എന്നീ ചിത്രങ്ങളും വലിയ രീതിയില്‍ സ്വീകരിക്കപ്പെട്ടു.
ജയറാം, മമ്മൂട്ടി, അനശ്വര രാജന്‍, ജഗദീഷ്, സൈജു കുറുപ്പ്, അര്‍ജുന്‍ അശോകന്‍, അനൂപ് മേനോന്‍, ആര്യ സലിം, സെന്തില്‍ കൃഷ്ണ ഉള്‍പ്പെടെയുള്ള മികച്ച താരനിരയായിരുന്നു അബ്രഹാം ഓസ്‌ലറില്‍ ഒന്നിച്ചത്.
ചിത്രത്തില്‍ വളരെ പ്രധാനപ്പെട്ട കഥാപാത്രമാണ് ഡി.വൈ.എസ്.പി ഉദയബാനു. തലവനിലെ താരത്തിന്റെ അഭിനയം ഏറെ ശ്രദ്ധനേടിയിരുന്നു. മെയ് 24ന് പുറത്തിറങ്ങിയ ചിത്രം ഇപ്പോഴും തിയേറ്ററില്‍ മികച്ച പ്രതികരണമാണ് നേടുന്നത്.
മലയാളത്തില്‍ ഈ വര്‍ഷമെത്തിയ മൂന്ന് ത്രില്ലര്‍ ചിത്രങ്ങളുടെ ഭാഗമായിരിക്കുകയാണ് ദിലീഷ് പോത്തന്‍. ഈ മൂന്ന് സിനിമകള്‍ക്കും ഇനി തുടര്‍ച്ചയെന്നോണം രണ്ടാം ഭാഗവും ഉണ്ടാകും. എന്നാല്‍ അതില്‍ രണ്ട് സിനിമകളില്‍ ദിലീഷിന്റെ കഥാപാത്രങ്ങള്‍ കൊല്ലപ്പെട്ടു എന്നതാണ് ഇതിലെ രസകരമായ കാര്യം.