കൊച്ചി: ദിലീപിന്റെ മഞ്ജുവാര്യരുടെയും മകള്‍ മീനാക്ഷി താരപുത്രന്മാരെ പോലെ സിനിമയിലേക്ക് വരുമോ എന്ന് ആരാധകര്‍ നിരന്തരം ചോദിക്കുന്ന ചോദ്യമാണ്. എന്നാല്‍ സിനിമയല്ല ഡോക്ടര്‍ ആവാനാണ് മീനാക്ഷിക്ക് താല്‍പ്പര്യമെന്ന് ദിലീപ് മുമ്പ് വെളിപ്പെടുത്തിയിരുന്നു.
പക്ഷേ സിനിമയില്‍ എത്തിയാലും തകര്‍ക്കുമെന്ന് തെളിയിച്ചിരിക്കുകയാണ് മീനാക്ഷി. നേരത്തെ മീനാക്ഷി പാട്ട് പാടുന്ന വീഡിയോ ആയിരുന്നു വൈറലായതെങ്കില്‍ ഇപ്പോള്‍ വൈറലാകുന്നത് മീനാക്ഷിയുടെ ഡബ്‌സ്മാഷ് വീഡിയോകളാണ്.
Also Read അവസാനപോരില്‍ വീണ് ഹൈദരാബാദ്; കൊല്‍ക്കത്തയ്ക്ക് അഞ്ച് വിക്കറ്റ് ജയം
പ്രേക്ഷകരെ ഏറെ ചിരിപ്പിച്ച അച്ഛന്റെ ഹിറ്റ് സിനിമകളായ കിങ് ലിയര്‍, കല്ല്യാണരാമന്‍, മൈ ബോസ് എന്നീ ചിത്രങ്ങളിലെ സംഭാഷണങ്ങളും ദുല്‍ഖര്‍ സല്‍മാന്റെ ബാംഗ്ലൂര്‍ ഡെയിസിലെ ഡയലോഗും ആണ് വീഡിയോയില്‍ ഉള്ളത്. മീനാക്ഷിയെ കൂടെ നാദിര്‍ഷയുടെ മകള്‍ ഐഷ നാദിര്‍ഷായും വീഡിയോയില്‍ ഉണ്ട്.
പൊതുവേദികളിലും സമൂഹമാധ്യമങ്ങളിലും മീനാക്ഷി അത്ര സജീവമാകാത്ത മീനാക്ഷിയുടെ വീഡിയോ ആരാധകര്‍ ഇതിനോടകം ഏറ്റെടുത്ത് കഴിഞ്ഞു. അച്ഛനെയും അമ്മയേയും പോലെ സിനിമയിലേക്ക് മകള്‍ കടന്ന് വരുന്നതാണ് ആരാധകര്‍ ഇപ്പോള്‍ കാത്ത് നില്‍ക്കുന്നത്.