അയോധ്യ വിധി ബി.ജെ.പി അംഗീകരിക്കുന്നുവെങ്കില്‍ ശബരിമല വിധിയും അംഗീകരിക്കണം; ദിഗ്‌വിജയ് സിങ്
ഡൂള്‍ന്യൂസ് ഡെസ്‌ക്
Thursday, 14th November 2019, 8:27 pm
അയോധ്യ വിഷയത്തില്‍ ചെയ്തത് പോലെ ശബരിമല ക്ഷേത്ര വിഷയത്തിലും സുപ്രീം കോടതി വിധി അംഗീകരിക്കുവാന്‍ ബി.ജെ.പിയും ആര്‍.എസ്.എസ്സും തയ്യാറാവണമെന്ന് മുതിര്‍ന്ന കോണ്‍ഗ്രസ് നേതാവ് ദിഗ്‌വിജയ് സിങ്. ശബരിമല യുവതി പ്രവേശന പുന:പരിശോധന ഹര്‍ജിയില്‍ ഇന്നത്തെ കോടതി നടപടിയ്ക്ക് ശേഷമായിരുന്നു ദിഗ്‌വിജയ് സിങിന്റെ പ്രതികരണം.
ഞങ്ങളുടെ പാര്‍ട്ടി എപ്പോഴും പറയുന്ന നിലപാടെന്നത് അയോധ്യ തര്‍ക്കം പോലുള്ള വിഷയങ്ങള്‍ കോടതിയാണ് തീരുമാനിക്കേണ്ടത് എന്നാണ്. അയോധ്യ വിധി എല്ലാ പാര്‍ട്ടികളും അംഗീകരിച്ചതില്‍ ഞാന്‍ സന്തോഷവാനാണ്-ദിഗ്‌വിജയ് സിങ് പറഞ്ഞു.
