പുതുമുഖങ്ങളെ അണിനിരത്തി നവാഗതരായ ഫഹദ് നന്ദു, ഉത്സവ് രാജീവ് എന്നിവര്‍ രചനയും സംവിധാനവും നിര്‍വഹിക്കുന്ന ‘ഡിജിറ്റല്‍ വില്ലേജ് ‘ എന്ന ചിത്രത്തിന്റെ ടീസര്‍ റിലീസായി.
ഋഷികേശ്, അമൃത്, വൈഷ്ണവ് എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്ന ഈ ചിത്രത്തില്‍ ആഷിക് മുരളി, സുരേഷ് ഇജി, അഭിന, പ്രജിത, അഞ്ജിത, ശുഭ കാഞ്ഞങ്ങാട്, ഇന്ദിര, ശ്രിജന്യ, സുരേഷ് ബാബു, ജസ്റ്റിന്‍ കണ്ണൂര്‍, കൃഷ്ണന്‍ നെടുമങ്ങാട്, നിഷാന്‍, എം.സി. മോഹനന്‍, ഹരീഷ് നീലേശ്വരം, മണി ബാബു, രാജേന്ദ്രന്‍, നിവിന്‍, എസ്.ആര്‍. ഖാന്‍, പ്രഭു രാജ്, ജോണ്‍സന്‍ കാസര്‍ഗോഡ് തുടങ്ങിയവരും അഭിനയിക്കുന്നു.
യുലിന്‍ പ്രൊഡക്ഷന്‍സിന്റെ ബാനറില്‍ അഖില്‍ മുരളി, ആഷിക് മുരളി എന്നിവര്‍ ചേര്‍ന്ന് നിര്‍മിക്കുന്ന ഈ ചിത്രത്തിന്റെ ഛായാഗ്രഹണം ശ്രീകാന്ത് നിര്‍വഹിക്കുന്നു.
മനു മഞ്ജിത്ത്, സുധീഷ് മറുതളം, വിനായക് ശരത്ചന്ദ്രന്‍ എന്നിവരുടെ വരികള്‍ക്ക് ഹരി എസ്.ആര്‍. സംഗീതം പകരുന്നു. വികസനം എത്തിപ്പെടാത്ത പഞ്ഞികല്ല് എന്ന ഗ്രാമത്തിലെ മൂന്ന് സുഹൃത്തുക്കള്‍ ആ ഗ്രാമവാസികളെ ഡിജിറ്റല്‍ യുഗത്തിലേക്കു കൊണ്ടു പോകുന്നതിനുള്ള ശ്രമങ്ങളാണ് നര്‍മത്തില്‍ കലര്‍ത്തി ‘ഡിജിറ്റല്‍ വില്ലേജ്” എന്ന ചിത്രത്തില്‍ ദശൃവല്‍ക്കരിക്കുന്നത്.
