സിനിമ പ്രൊമോഷനില്‍ വേറിട്ട വഴികളുമായി ഡിജിറ്റല്‍ വില്ലേജ് ടീം. കാസര്‍ഗോഡ് മുതല്‍ എറണാകുളം വരെ കാല്‍നടയാത്രയായി സഞ്ചരിച്ചാണ് സിനിമയുടെ പ്രൊമോഷന്‍ ഇവര്‍ നടത്തുന്നത്. കാഞ്ഞങ്ങാട് നിന്ന് തുടങ്ങിയ യാത്ര കോഴിക്കോട് എത്തി. ജനങ്ങളിലേക്ക് നേരിട്ടിറങ്ങി ചെന്ന് സിനിമയെ പറ്റി അറിയിക്കുകയാണ് അണിയറ പ്രവര്‍ത്തകരുടെ ലക്ഷ്യം. സംവിധായകനും നായകനും കൂടിയാണ് ജനങ്ങളെ നേരിട്ട് കണ്ട് സംസാരിക്കുന്നത്. ഓഗസ്റ്റ് 15നാണ് ഡിജിറ്റല്‍ വില്ലേജ് തിയേറ്ററുകളിലെത്തുന്നത്.
നവാഗതരായ ഫഹദ് നന്ദു, ഉത്സവ് രാജീവ് എന്നിവര്‍ ചേര്‍ന്നാണ് രചനയും സംവിധാനവും നിര്‍വഹിക്കുന്നത്. ഋഷികേശ്, അമൃത്, വൈഷ്ണവ് എന്നിവര്‍ പ്രധാന കഥാപാത്രങ്ങളെ അവതരിപ്പിക്കുന്ന ഈ ചിത്രത്തില്‍ആഷിക് മുരളി, സുരേഷ് ഇജി, അഭിന, പ്രജിത, അഞ്ജിത, ശുഭ കാഞ്ഞങ്ങാട്, ഇന്ദിര, ശ്രിജന്യ, സുരേഷ് ബാബു, ജസ്റ്റിന്‍ കണ്ണൂര്‍, കൃഷ്ണന്‍ നെടുമങ്ങാട്, നിഷാന്‍, എം.സി. മോഹനന്‍, ഹരീഷ് നീലേശ്വരം, മണി ബാബു, രാജേന്ദ്രന്‍, നിവിന്‍, എസ്.ആര്‍. ഖാന്‍, പ്രഭു രാജ്, ജോണ്‍സന്‍ കാസര്‍ഗോഡ് തുടങ്ങിയവരും അഭിനയിക്കുന്നു.
യുലിന്‍ പ്രൊഡക്ഷന്‍സിന്റെ ബാനറില്‍ അഖില്‍ മുരളി, ആഷിക് മുരളി എന്നിവര്‍ ചേര്‍ന്ന് നിര്‍മിക്കുന്ന ഈ ചിത്രത്തിന്റെ ഛായാഗ്രഹണം ശ്രീകാന്ത് നിര്‍വഹിക്കുന്നു.
