ഗാംഗുലിയില്‍ നിന്ന് ലഭിച്ച പിന്തുണ ധോണിയില്‍ നിന്നും കോഹ്‌ലിയില്‍ നിന്നും ലഭിച്ചിട്ടില്ല; തുറന്നുപറഞ്ഞ് യുവരാജ്
സ്പോര്ട്സ് ഡെസ്‌ക്
Wednesday, 1st April 2020, 10:40 pm
മുംബൈ: സൗരവ് ഗാംഗുലിയില്‍ നിന്ന് ലഭിച്ചത് പോലുള്ള പിന്തുണ മഹേന്ദ്രസിംഗ് ധോണിയും വിരാട് കോഹ്‌ലിയും ക്യാപ്റ്റനായപ്പോള്‍ തനിക്ക് ലഭിച്ചിട്ടില്ലെന്ന് ഇന്ത്യന്‍ ക്രിക്കറ്റ് മുന്‍താരം യുവരാജ് സിംഗ്. സ്പോര്ട്സ് സ്റ്റാറിന് നല്‍കിയ അഭിമുഖത്തിലായിരുന്നു യുവിയുടെ പ്രതികരണം.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
‘സൗരവ് ഗാംഗുലിയ്ക്ക് കീഴില്‍ ഞാന്‍ കളിച്ചിട്ടുണ്ട്. വലിയ പിന്തുണയായിരുന്നു എനിക്ക് അദ്ദേഹം തന്നത്. പിന്നീട് മഹിയ്ക്ക് കീഴിലും കളിച്ചു. രണ്ടുപേരെയും തമ്മില്‍ താരതമ്യം ചെയ്യുകയെന്നത് ബുദ്ധിമുട്ടേറിയ കാര്യമാണ്. ഗാംഗുലിയ്‌ക്കൊപ്പം ഒരുപാട് നല്ല ഓര്‍മ്മകളുണ്ട്. കാരണം അദ്ദേഹം വലിയ പിന്തുണ തന്നിട്ടുണ്ട്. ആ പിന്തുണ മഹിയില്‍ നിന്നും കോഹ്‌ലിയില്‍ നിന്നും എനിക്ക് ലഭിച്ചിട്ടില്ല’, യുവി പറഞ്ഞു.
