മലയാളികളുടെ പ്രിയ താരപുത്രനാണ് ധ്യാൻ ശ്രീനിവാസൻ. സഹോദരൻ വിനീത് ശ്രീനിവാസൻ ഒരുക്കിയ തിര എന്ന ചിത്രത്തിലൂടെ നായകനായാണ് ധ്യാൻ മലയാള സിനിമയിലേക്ക് അരങ്ങേറ്റം കുറിക്കുന്നത്.
ശേഷം ഇറങ്ങിയ കുഞ്ഞിരാമായണം, അടികപ്യാരെ കൂട്ടമണി തുടങ്ങിയ ചിത്രങ്ങളെല്ലാം വലിയ സ്വീകാര്യത നേടുകയും ചെയ്തു.
നടൻ എന്നതിലുപരി താനൊരു സംവിധായകനും കൂടെയാണെന്ന് ലവ് ആക്ഷൻ ഡ്രാമയെന്ന ചിത്രത്തിലൂടെ ധ്യാൻ തെളിയിച്ചു. ഇപ്പോൾ അഭിമുഖങ്ങളിലും സിനിമകളിലും എല്ലാം ഒരുപോലെ നിറഞ്ഞുനിൽക്കുന്ന താരമാണ് ധ്യാൻ. വിനീത് ശ്രീനിവാസൻ സംവിധാനം ചെയ്ത ഏറ്റവും പുതിയ ചിത്രം വർഷങ്ങൾക്ക് ശേഷം തിയേറ്ററിൽ നിറഞ്ഞ സദസിൽ പ്രദർശനം തുടരുമ്പോൾ ധ്യാനിന്റെ പ്രകടനത്തെ കുറിച്ചും മികച്ച അഭിപ്രായമാണ് പുറത്ത് വരുന്നത്.
ധ്യാനിനൊപ്പം പ്രണവ് മോഹൻലാലും ഒരു പ്രധാന വേഷത്തിൽ എത്തുന്ന ചിത്രത്തിൽ നിവിൻ പോളിയും ഒരു അതിഥി വേഷത്തിലെത്തുന്നുണ്ട്. നിവിൻ പോളിയെ കുറിച്ച് സംസാരിക്കുകയാണ് ധ്യാൻ.
നിവിൻ നന്നായി ഇമിറ്റേറ്റ് ചെയ്യുന്ന ആളാണെന്നും തട്ടത്തിൻ മറയത്തിൽ ചേട്ടനായ വിനീത് ശ്രീനിവാസനെയും ഒരു വടക്കൻ സെൽഫിയിൽ തന്നെയുമാണ് നിവിൻ കഥാപാത്രത്തിനായി എടുത്തതെന്ന് ധ്യാൻ പറയുന്നു. ദി ക്യൂ സ്റ്റുഡിയോട് സംസാരിക്കുകയായിരുന്നു താരം.
‘നിവിന് ഒരു കഴിവുണ്ട്. നന്നായി ഇമിറ്റേറ്റ് ചെയ്യാൻ അറിയുന്ന ആളാണ് നിവിൻ. തട്ടത്തിൻ മറയത്തിൽ ഏട്ടാനാണ്. വിനീത് ശ്രീനിവാസനാണ് ആ ചിത്രത്തിലുള്ളത്. വടക്കൻ സെൽഫിയിലെ ഉമേഷ്‌ ഞാനാണ്.
അതിന്റെ എസ്റ്റെൻഷനാണ് ലവ് ആക്ഷൻ ഡ്രാമയിലെ ദിനേശൻ എന്ന കഥാപാത്രം. ഞാൻ പറയുന്നത്, ബോഡി ലാംഗ്വേജ്, എന്റെ കോപ്രായങ്ങൾ അങ്ങനെ ഞാൻ ചെയ്യുന്ന കാര്യങ്ങളാണ് നിവിൻ ചെയ്തിട്ടുള്ളത്.
ഉമേഷിനെ ചെയ്യുമ്പോൾ ചേട്ടൻ എന്നെ റഫറൻസായി പറഞ്ഞുകൊടുത്തിരുന്നു. ഞാൻ അമ്മയോട് പറയുന്ന ചില ഡയലോഗുകളൊക്കെയുണ്ട്, അച്ഛനെന്തെങ്കിലും അസുഖം, എന്നൊക്കെ നിവിൻ വടക്കൻ സെൽഫിയിൽ പറയുന്നതൊക്കെ ഞാൻ അമ്മയോട് പറഞ്ഞിട്ടുള്ള കാര്യങ്ങളാണ്,’ധ്യാൻ ശ്രീനിവാസൻ പറയുന്നു.
Content Highlight: Dhyan Sreenivasan Talk About Oru Vadakkan Selfie Movie