ചെന്നൈ: ഇന്ത്യന്‍ താരങ്ങളില്‍ ഏറ്റവും കൂള്‍ ആരെന്ന് ചോദിച്ചാല്‍ ഒറ്റ ഉത്തരമേയുള്ളു ധോണി. സഹ താരങ്ങള്‍ എത്ര സമ്മര്‍ദ്ദ സാഹചര്യങ്ങളിലായാലും ധോണിക്ക് അതൊന്നും ഒരു പ്രശ്‌നമേ അല്ലായിരുന്നു.
ശ്രീലങ്കയുമായി കഴിഞ്ഞ ഏകദിന മത്സരത്തിനിടക്ക് കാണികളുടെ കയ്യാങ്കളിയെ തുടര്‍ന്ന് മത്സരം നിര്‍ത്തിവെച്ചപ്പോള്‍ കൂളായി കിടന്ന് ഗ്രൗണ്ടില്‍ കിടന്ന് ഉറങ്ങിയിരുന്നു. ഇപ്പോളിതാ ചെന്നൈ എയര്‍പോര്‍ട്ടിലാണ് ബാഗ് തലയിണയാക്കി ധോണി കിടക്കുന്നത്.
Also read ‘ലങ്കാദഹനം കഴിഞ്ഞു കങ്കാരു വേട്ട തുടങ്ങി’; ആദ്യ ഏകദിനത്തില്‍ ഇന്ത്യയ്ക്ക് ജയം
ഓസ്‌ട്രേലിയക്കെതിരായ ആദ്യ മത്സരം കഴിഞ്ഞ് കൊല്‍ക്കത്തക്ക് പോകുന്നതിന് വേണ്ടി ചെന്നൈ എയര്‍പോര്‍ട്ടില്‍ എത്തിയതായിരുന്നു ഇന്ത്യന്‍ ടീം. നിലത്ത് കിടക്കുന്ന് ധോണിയുടെ കൂടെ നായകന്‍ കോഹ്‌ലിയും മറ്റ് ടീം അംഗങ്ങളും ചുറ്റുമിരിക്കുന്നുണ്ട്.
ഏത് സാഹചര്യത്തിലായാലും ധോണി ഏപ്പോഴും കൂള്‍ ആണെന്നാണ് സോഷ്യല്‍ മീഡിയയിലെ ആരാധകര്‍ പറയുന്നത്. ധോണിയുടെയും കൂട്ടരുടെയും ചിത്രങ്ങള്‍ ടീം ഇന്ത്യയുടെ ഒഫീഷ്യല്‍ ഫേസ്ബുക്കിലൂടെയാണ് പുറത്ത് വിട്ടത്.