വര്‍ഷങ്ങളോളം സി.എസ്.കെയില്‍ ഒരുമിച്ച് സഹതാരങ്ങളായവരാണ് മുന്‍ ഇന്ത്യന്‍ ക്യാപ്റ്റന്‍ എം.എസ്. ധോണിയും ഓള്‍റൗണ്ടര്‍ ദീപക് ചാഹറും. തന്റെ ക്രിക്കറ്റ് ജീവിതകാലത്ത് ചാഹറിനെ ഒരിക്കലും പക്വമായി കാണാന്‍ കഴിഞ്ഞിട്ടില്ലെന്നും അവനൊരും ‘ലഹരി’ പോലെയാണെന്നും തമാശരൂപേണ പറയുകയാണിപ്പോള്‍ ധോണി.
തന്റെ നിര്‍മാണ കമ്പനിയായ ധോണി എന്റര്‍ടെയ്ന്‍മെന്റ് നിര്‍മിച്ച ‘ലെറ്റ്സ് ഗെറ്റ് ഗെറ്റ് മാരീഡ്’ എന്ന തമിഴ് ചിത്രത്തിന്റെ ലോഞ്ചിങ്ങിന്റെ ചടങ്ങില്‍ സംസാരിക്കുകയായിരുന്നു ധോണി.
‘ദീപക് ചഹാര്‍ ഒരു ശരിക്കും ഒരു ഡ്രഗ് പോലെയാണ്. അവന്‍ നമ്മുടെ അടുത്ത് ഇല്ലെങ്കില്‍, നമ്മള്‍ ചിന്തിക്കും അവന്‍ അടുത്ത് ഉണ്ടായിരുന്നെങ്കിലെന്ന്. അവനടുത്ത് ഉണ്ടെങ്കില്‍ നമ്മള്‍ കരുതും, ഇവനെന്താണ് ഇവിടെയെന്ന്. അവനെ ഞാനിതുവരെ പക്വതയോടെ കണ്ടിട്ടില്ല(ചിരിക്കുന്നു),’ എം.എസ്. ധോണി പറഞ്ഞു.
MS Dhoni said “Deepak Chahar is like a drug, if he is not there, you would think, where is he – if he is around, you would think, why he is here – good part is that he is maturing but he takes time & that is the problem, in my lifetime, I won’t see him matured (smiles)”. pic.twitter.com/BD2NoQCfcn
— Johns. (@CricCrazyJohns) July 10, 2023
ഇന്ത്യക്കായി 19 ഏകദിനത്തിലും 24 ടി- ട്വന്റിയിലും ചാഹര്‍ കളിച്ചിട്ടുണ്ട്. ഏകദിനത്തില്‍ 16 വിക്കറ്റും 489 റണ്‍സും നേടിയ താരം ടി-20യില്‍ 29 വിക്കറ്റും 709 റണ്‍സും നേടിയിട്ടുണ്ട്. ഐ.പി.എല്ലിലാണ് ചാഹറിന്റെ മികച്ച കരിയറുള്ളത്.
