സംവിധായകന്‍ ശെല്‍വരാഘവന്റെ അവസാനം റിലീസ് ചെയ്ത ചിത്രം സൂര്യ നായകനായെത്തിയ എന്‍.ജി.കെ ആയിരുന്നു. പൊളിറ്റിക്കല്‍ ത്രില്ലറായിരുന്ന ഈ ചിത്രത്തിന് ശേഷം ശെല്‍വരാഘവന്‍ സംവിധാനം ചെയ്യുന്ന ചിത്രം ധനുഷിനെ മുഖ്യകഥാപാത്രമാക്കിയിട്ടുള്ളതാണ്.

വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ

ശെല്‍വരാഘവന്‍ തന്നെ ഇക്കാര്യം പ്രഖ്യാപിച്ചു കഴിഞ്ഞു. കഴിഞ്ഞ ദിവസം ഒരു കോളേജില്‍ നടന്ന ചടങ്ങിനിടയിലാണ് ശെല്‍വരാഘവന്‍ ചിത്രത്തെ കുറിച്ച് പറഞ്ഞത്.

ശെല്‍വരാഘവനും ധനുഷും ഒരുമിച്ച ചിത്രമായിരുന്നു പുതുപ്പേട്ടൈ. ഈ ചിത്രത്തിന്റെ രണ്ടാം ഭാഗത്തിന് വേണ്ടിയാണ് ഇരുവരും വീണ്ടും ഒരുമിക്കുന്നത്.

2006ല്‍ പുറത്തിറങ്ങിയ പുതുപ്പേട്ടൈ ഒരു ഗാംഗ്‌സ്റ്ററുടെ വളര്‍ച്ചയെ കുറിച്ച് പറഞ്ഞ ചിത്രമായിരുന്നു. ധനുഷ് അവതരിപ്പിച്ച കൊക്കി കുമാര്‍ വളരേയെറെ ശ്രദ്ധിക്കപ്പെട്ട കഥാപാത്രമായിരുന്നു.

ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ