ഓട്ടിസിനും മിന്നല്‍ മുരളിക്കുമൊപ്പം ധനുഷ്; നെറ്റ്ഫ്‌ളിക്‌സിന്റെ ചിത്രങ്ങള്‍ ഏറ്റെടുത്ത് ആരാധകര്‍
എന്റര്‍ടെയിന്‍മെന്റ് ഡെസ്‌ക്
Tuesday, 3rd May 2022, 1:53 pm
അവഞ്ചേഴ്‌സ് സംവിധായകരായ ജോയും ആന്റണി റൂസോയും ചേര്‍ന്ന് ഒരുക്കുന്ന ചിത്രം ദി ഗ്രേ മാനിലെ ധനുഷിന്റെ ഫസ്റ്റ്‌ലുക്ക് പോസ്റ്റര്‍ പുറത്ത് വിട്ടത് പ്രേക്ഷകര്‍ ആവേശത്തോടെയാണ് ഏറ്റെടുത്തത്. പ്രധാന കഥാപാത്രങ്ങളെ അവതരിപ്പിക്കുന്ന ക്രിസ് ഇവാന്‍സ്, റയാന്‍ ഗോസ്ലിങ് എന്നിവരോടൊപ്പമാണ് ധനുഷിന്റെ ചിത്രവും പുറത്ത് വിട്ടത്.
പുലിമുരുകനിലെ മോഹന്‍ലാലിന്റെ പ്രശസ്ത പോസിനോട് സാമ്യമുള്ളതാണ് ധനുഷിന്റെ പോസും. ധനുഷിന്റെ പോസ് നെറ്റ്ഫ്‌ളിക്‌സ് തന്നെ എഡിറ്റ് ചെയ്ത് പോസ്റ്റ് ചെയ്തതാണ് ഇപ്പോള്‍ ശ്രദ്ധ നേടുന്നത്.
സ്‌ട്രേഞ്ചര്‍ തിംഗ്‌സിലെ ഇലവന്‍, ഗംഗുബായി, സെക്‌സ് എച്യുക്കേഷനിലെ ഓട്ടിസ്, എറിക്, മിന്നല്‍ മുരളി, കപില്‍ ശര്‍മ എന്നവര്‍ക്കൊപ്പം പോസ് ചെയ്യുന്ന ധനുഷിനെയാണ് ചിത്രങ്ങളില്‍ കാണുന്നത്. രസകരമായ ചിത്രങ്ങള്‍ ആരാധകര്‍ ഏറ്റെടുത്ത് കഴിഞ്ഞു.
