എം.എ. ലത്തീഫിന്റെ സസ്‌പെന്‍ഷന്‍; കെ.സുധാകരനെതിരെ മുദ്രാവാക്യങ്ങളുമായി കോണ്‍ഗ്രസ് പ്രവര്‍ത്തകരുടെ പ്രകടനം
ഡൂള്‍ന്യൂസ് ഡെസ്‌ക്
Friday, 12th November 2021, 8:54 pm
തിരുവനന്തപുരം: കോണ്‍ഗ്രസില്‍ നിന്ന് സസ്‌പെന്‍ഷനിലായ എം.എ. ലത്തീഫിനെ പിന്തുണച്ച് തിരുവനന്തപുരത്ത് പ്രവര്‍ത്തകരുടെ പ്രകടനം.
കെ.പി.സി.സി അധ്യക്ഷന്‍ കെ. സുധാകരനെതിരെ മുദ്രാവാക്യങ്ങളുമായാണ് പ്രവര്‍ത്തകര്‍ തെരുവിലിറങ്ങിയത്. പെരുമാതുറയിലെ പ്രവര്‍ത്തകരാണ് പ്രകടനം നടത്തിയത്.
മുതലപ്പൊഴിയില്‍ പ്രതിപക്ഷ നേതാവ് വി.ഡി. സതീശന്റെ സന്ദര്‍ശനം തടയാന്‍ ശ്രമിച്ചെന്നും കെ.പി.സി.സി ഭാരവാഹി പട്ടികയ്ക്കെതിരെ ഇന്ദിരാഭവനിലേക്ക് മാര്‍ച്ചിന് ആഹ്വാനം ചെയ്‌തെന്നുമാരോപിച്ചായിരുന്നു മുന്‍ കെ.പി.സി.സി സെക്രട്ടറിയായ എം.എ. ലത്തീഫിനെ സസ്‌പെന്റ് ചെയ്തത്. ആറു മാസത്തേക്കാണ് സസ്‌പെന്‍ഷന്‍.
ചിറയിന്‍കീഴ് നിയോജക മണ്ഡലത്തിലെ വിഭാഗീയ പ്രവര്‍ത്തനത്തിന് നേതൃത്വം കൊടുത്തത് ലത്തീഫാണെന്നാണ് പാര്‍ട്ടി നിയോഗിച്ച അന്വേഷണ സംഘത്തിന്റെ റിപ്പോര്‍ട്ട്.
