ന്യൂദല്‍ഹി: ജനാധിപത്യമെന്നത് 1947 ആഗസ്റ്റ് 15നോ, 1950ല്‍ ഭരണഘടന നിലവില്‍ വന്നതിനോ ശേഷമുണ്ടായതല്ല എന്ന് ആഭ്യന്തരമന്ത്രി അമിത് ഷാ. പൊലീസ് റിസര്‍ച്ച് ആന്‍ഡ് ഡെവലപ്മെന്റ് ബ്യൂറോയുടെ 51ാം സ്ഥാപകദിനത്തിന്റെ ഭാഗമായി ദല്‍ഹിയിലെ ആസ്ഥാനത്തു നടന്ന പരിപാടിയില്‍ പങ്കെടുത്ത് സംസാരിക്കവെയാണ് അമിത് ഷായുടെ പ്രതികരണം.
‘ജനാധിപത്യമെന്നത് രാജ്യത്തിന്റെ പ്രകൃതമാണ്. 1947 ആഗസ്റ്റ് 15നോ 1950ല്‍ ഭരണഘടന നിലവില്‍ വല്ലതിനു ശേഷമോ ഉണ്ടായതാണ് ജനാധിപത്യം എന്ന് ആരെങ്കിലും പറഞ്ഞാല്‍ അത് തെറ്റാണ്. ജനാധിപത്യം നമ്മുടെ പ്രകൃതമാണ്,’ അമിത് ഷാ പറഞ്ഞു.
Democracy is the nature of our country. If someone says that democracy came only after 15th August 1947 or only after the adoption of Constitution in 1950, then it is wrong. Democracy is our nature: HM Amit Shah at 51st Foundation Day of Bureau of Police Research & Development pic.twitter.com/pPN0jVklvK
— ANI (@ANI) September 4, 2021
നമ്മുടെ ഗ്രാമങ്ങളില്‍ ജനാധിപത്യത്തിന്റെ ഭാഗമായുള്ള പഞ്ച് പരമേശ്വര്‍മാര്‍ ഉണ്ടായിരുന്നെന്നും ദ്വാരകയിലെ യാദവന്മാര്‍ക്കിടയിലും ബീഹാറിലും ജനാധിപത്യ ഭരണകൂടമുണ്ടായിരുന്നതായും അമിത് ഷാ കൂട്ടിച്ചേര്‍ത്തു.
