ദല്‍ഹി നിയമസഭാ തെരഞ്ഞെടുപ്പില്‍ പോള്‍ ചെയ്ത വോട്ടും ഇ.വി.എം വോട്ടും തമ്മില്‍ വ്യത്യാസം
ഡൂള്‍ന്യൂസ് ഡെസ്‌ക്
Tuesday, 18th February 2020, 11:58 pm
ന്യൂദല്‍ഹി: ഇ.വി.എമ്മിന്റെ കൃത്യതയെക്കുറിച്ച് വലിയ ചര്‍ച്ചകള്‍ ഉയരുന്നതിനിടയില്‍ ദല്‍ഹി നിയമസഭാ തെരഞ്ഞെടുപ്പില്‍ 38 മണ്ഡലങ്ങളില്‍ പോള്‍ ചെയ്ത വോട്ടും വോട്ടിംഗ് യന്ത്രത്തില്‍ രേഖപ്പെടുത്തിയ വോട്ടും തമ്മില്‍ വ്യത്യാസം. ചില മണ്ഡലങ്ങളില്‍ പോള്‍ ചെയ്തതിനേക്കാള്‍ കൂടുതല്‍ വോട്ടും മറ്റു ചിലയിടങ്ങളില്‍ പോള്‍ ചെയ്തതിനേക്കാള്‍ കുറഞ്ഞ വോട്ടുമാണ് ഇ.വി.എമ്മില്‍ രേഖപ്പെടുത്തിയിരിക്കുന്നത്.
കരോള്‍ബാഗ്, ബുറാഡി, ചാന്ദ്‌നി ചൗക്ക്, വികാസ്പുരി, ആര്‍.കെ പുരം, മതിയാല എന്നീ മണ്ഡലങ്ങളില്‍ പോള്‍ ചെയ്തതിനേക്കാള്‍ കൂടുതല്‍ വോട്ടാണ് ഇ.വിഎമ്മില്‍ രേഖപ്പെടുത്തിയിരിക്കുന്നത്.
