മദ്യത്തിന് 70% അധിക നികുതി; വരുമാനം മദ്യത്തിലൂടെ കണ്ടെത്താനൊരുങ്ങി കെജ്‌രിവാള്‍ സര്‍ക്കാര്‍
ഡൂള്‍ന്യൂസ് ഡെസ്‌ക്
Tuesday, 5th May 2020, 7:33 am
ന്യൂദല്‍ഹി: ചൊവ്വാഴ്ച മുതല്‍ മദ്യത്തിന് 70 ശതമാനം അധിക നികുതി ഏര്‍പ്പെടുത്തി ദല്‍ഹി സര്‍ക്കാര്‍. കൊറോണ ഫീ എന്ന പേരിലാണ് അധിക നികുതി ഏര്‍പ്പെടുത്തിയിരിക്കുന്നത്.
ഷോപ്പുകള്‍ രാവിലെ 9 മണി മുതല്‍ വൈകുന്നേരം 6.30 വരെ തുറക്കാന്‍ അനുവദിക്കണമെന്ന് തിങ്കളാഴ്ച അര്‍ദ്ധരാത്രി പുറപ്പെടുവിച്ച ഉത്തരവില്‍ ദല്‍ഹി മുഖ്യമന്ത്രി അരവിന്ദ് കെജ്‌രിവാള്‍ പൊലീസിനോട് ആവശ്യപ്പെട്ടു.
ഒരു കുപ്പി മദ്യത്തിന്റെ എം.ആര്‍.പിയിലാണ് 70 ശതമാനം നികുതി ഏര്‍പ്പെടുത്താന്‍ തീരുമാനിച്ചിരിക്കുന്നത്. അതായത് 1000 രൂപ വിലയുള്ള ഒരു കുപ്പി മദ്യത്തിന് ഇനി മുതല്‍ 1700 രൂപയായിരിക്കും സര്‍ക്കാര്‍ ഈടാക്കുക.
