ദല്‍ഹിയില്‍ നിന്ന് മധ്യപ്രദേശിലേക്ക് 200 കിലോമീറ്റര്‍ കാല്‍നടയായി യാത്രചെയ്ത യുവാവ് നടുറോഡില്‍ കുഴഞ്ഞുവീണ് മരിച്ചു
ഡൂള്‍ന്യൂസ് ഡെസ്‌ക്
Sunday, 29th March 2020, 10:22 am
ആഗ്ര: ദല്‍ഹിയില്‍ നിന്ന് മധ്യപ്രദേശിലേക്ക് കാല്‍നടയായി യാത്രചെയ്ത യുവാവ് കുഴഞ്ഞുവീണ് മരിച്ചു. ദല്‍ഹിയിലെ റെസ്റ്റോറന്റില്‍ ജോലി ചെയ്യുന്ന രണ്‍വീര്‍ സിംഗാണ് 300 കിലോമീറ്റര്‍ അകലെ മധ്യപ്രദേശിലെ മൊറേനയിലേ വീട്ടിലേക്കുള്ള യാത്രാമധ്യേ നടുറോഡില്‍ കുഴഞ്ഞുവീണ് മരിച്ചത്.
നടക്കുന്നതിനിടെ നെഞ്ചുവേദന അനുഭവപ്പെടുന്നുവെന്ന് പറഞ്ഞ രണ്‍വീര്‍ ഉടന്‍ കുഴഞ്ഞുവീഴുകയും മരണം സംഭവിക്കുകയുമായിരുന്നെന്ന് കൂടെയുള്ളവര്‍ പൊലീസിനോട് പറഞ്ഞു.
