കേന്ദ്രത്തിന് 'പുതിയ പണിയുമായി ' കെജ്‌രിവാള്‍ കര്‍ഷകരുടെ യഥാര്‍ത്ഥ അവസ്ഥ കണ്ടെത്തുന്നതിന് വേണ്ടി ദല്‍ഹി സര്‍ക്കാറിന്റെ സര്‍വേ
ഡൂള്‍ന്യൂസ് ഡെസ്‌ക്
Saturday, 14th August 2021, 7:22 pm
ന്യൂദല്‍ഹി: കര്‍ഷകരുടെ യഥാര്‍ത്ഥ അവസ്ഥ കണ്ടെത്തുന്നതിന് വേണ്ടി സര്‍വേ നടത്താനൊരുങ്ങി ദല്‍ഹി സര്‍ക്കാര്‍.
പ്രധാന വിളകളുടെ കൃഷിയില്‍ നിന്നുള്ള ചെലവും വരുമാനവും സംബന്ധിച്ച വിവരം ലഭ്യമാക്കാന്‍ കാര്‍ഷിക മേഖലയെക്കുറിച്ച് ഒരു പഠനമാണ് സര്‍ക്കാര്‍ ആസൂത്രണം ചെയ്തിരിക്കുന്നത്.
ആസൂത്രണ വകുപ്പിന്റെ മേല്‍നോട്ടത്തില്‍ ഒരു മൂന്നാം കക്ഷി ഏജന്‍സിയായിരിക്കും പഠനം നടത്തുക എന്നാണ് റിപ്പോര്‍ട്ട്.
ഓരോ ഗ്രാമത്തില്‍നിന്നും 40 സ്ഥലങ്ങളാണ് സര്‍വേയ്ക്ക് വേണ്ടി തെരഞ്ഞെടുക്കുക. 25 ഗ്രാമങ്ങളിലാണ് പഠനം നടത്തുന്നത്.
