ന്യൂദല്‍ഹി: ദല്‍ഹി മൊത്തം ഒരു പൊലീസ് ഉദ്യോഗസ്ഥയ്ക്ക് വേണ്ടി കൈയടിക്കുകയാണ്. വര്‍ഷങ്ങളായി കാണാതായി ഇനി ഒരിക്കലും തങ്ങള്‍ക്ക് തിരികെ ലഭിക്കില്ലെന്ന് രക്ഷിതാക്കള്‍ പോലും കരുതിയ തങ്ങളുടെ മക്കളെ വീണ്ടും അവരിലേക്ക് എത്തിച്ചാണ് ദല്‍ഹിയിലെ പൊലീസ് ഉദ്യോഗസ്ഥ സീമ ദാക്ക രാജ്യത്തിന്റെ കയ്യടി നേടുന്നത്.
ഒന്നും രണ്ടും കുട്ടികളെയല്ല ഇതിനോടകം 76 കുട്ടികളെയാണ് മുന്ന് മാസത്തിനകം ഈ പൊലീസുദ്യോഗസ്ഥ കണ്ടെത്തിയത്.
പലരും അന്വേഷിച്ചിട്ട് തുമ്പുണ്ടാക്കാന്‍ കഴിയാത്ത കേസില്‍ നിര്‍ണായക കണ്ടെത്തലുകള്‍ നടത്തിയതിന് സീമ ദാക്കയ്ക്ക് സ്ഥാനകയറ്റവും ലഭിച്ചു.
സീമ ദാക്കെ ഇതുവരെ കണ്ടെത്തിയ 76 കുട്ടികളില്‍ 56 പേരും പതിനാല് വയസിന് താഴെയുള്ളവരാണ്. ദല്‍ഹിയില്‍ നിന്നു മാത്രമല്ല മറ്റു സംസ്ഥാനങ്ങളില്‍ നിന്നും പല കുട്ടികളെയും ഈ വനിതാ പൊലീസ് ഉദ്യോഗസ്ഥ അന്വേഷണത്തിനൊടുവില്‍ കണ്ടെത്തിയിട്ടുണ്ട്.
Women HC Seema Dhaka, PS Samaypur Badli, deserves congratulations for being the first police person to be promoted out of turn for recovering 56 children in 3 months under incentive scheme. Hats off to fighting spirit and joy brought to families. @LtGovDelhi @HMOIndia @PMOIndia
— CP Delhi #DilKiPolice (@CPDelhi) November 18, 2020
പഞ്ചാബ്, പശ്ചിമബംഗാള്‍ എന്നിവിടങ്ങളില്‍ എത്തിയാണ് പല കുട്ടികള്‍ക്കും സീമ ദാക്ക പുതു ജീവിതം നല്‍കിയത്.
