ദല്‍ഹിയില്‍ നിന്നും വരുന്ന മലയാളി വിദ്യാര്‍ത്ഥികളുടെ ട്രെയിന്‍ ടിക്കറ്റ് തുക കോണ്‍ഗ്രസ് വഹിക്കും; ദല്‍ഹി കോണ്‍ഗ്രസ് കമ്മറ്റിയുടെ പ്രഖ്യാപനം
ഡൂള്‍ന്യൂസ് ഡെസ്‌ക്
Wednesday, 20th May 2020, 1:29 pm
ന്യൂദല്‍ഹി: ന്യൂദല്‍ഹിയില്‍ നിന്നും കേരളത്തിലേക്ക് പ്രത്യേക ട്രെയിനില്‍ വരുന്ന മലയാളി വിദ്യാര്‍ത്ഥികളുടെ ടിക്കറ്റ് തുക കോണ്‍ഗ്രസ് നല്‍കുമെന്ന് ദല്‍ഹി കോണ്‍ഗ്രസ് അദ്ധ്യക്ഷന്‍ അനില്‍ ചൗധരി. ടിക്കറ്റിന്റെ കോപ്പിയും തിരിച്ചറിയല്‍ രേഖയും നോര്‍ക്ക രജിസ്‌ട്രേഷന്‍ നമ്പറും അക്കൗണ്ട് നമ്പറും നല്‍കിയാല്‍ അര്‍ഹരായ വിദ്യാര്‍ത്ഥികള്‍ക്ക് അക്കൗണ്ടിലേക്ക് പണം ഇട്ടു നല്‍കുമെന്നും അനില്‍ ചൗധരി പറഞ്ഞു.
ദല്‍ഹിയില്‍ നിന്ന് അതിഥി തൊഴിലാളികള്‍ക്ക് ജന്മനാടുകളിലേക്ക് മടങ്ങി പോവാന്‍ 300 ബസ്സുകള്‍ നല്‍കാമെന്ന് കോണ്‍ഗ്രസ് ദല്‍ഹി ഘടകം മുഖ്യമന്ത്രി അരവിന്ദ് കെജ്രിവാളിനെ അറിയിച്ചിരുന്നു. ഈ ബസ്സുകളുടെ മുഴുവന്‍ ചെലവും കോണ്‍ഗ്രസ് വഹിക്കുമെന്നും അനില്‍ ചൗധരി അറിയിച്ചു.
