‘നിങ്ങളുടെ രാവിലെ നടത്തം ഒഴിവാക്കാന്‍ ഞാന്‍ അപേക്ഷിക്കുകയാണ്. എന്നിട്ട് കുറച്ചു സമയം വീട്ടില്‍ സുരക്ഷിതരായി ഇരിക്കൂ. നിലവില്‍ നമ്മള്‍ ഒന്നും അടച്ചു പൂട്ടിയിട്ടില്ല. നിങ്ങളുടെ നല്ലതിനും സുരക്ഷയ്ക്കും അത് ആവശ്യമായി വന്നാല്‍ സംസ്ഥാനം പൂര്‍ണമായും അടയ്ക്കും,’ കെജ്‌രിവാള്‍ പറഞ്ഞു.
സര്‍ക്കാര്‍ ദല്‍ഹിയിലെ ജനങ്ങള്‍ക്ക് സൗജന്യ റേഷനും പ്രഖ്യാപിച്ചിട്ടുണ്ട്. 7.5 കിലോ ഭക്ഷ്യ ധാന്യങ്ങള്‍ വീതം നല്‍കാനാണ് തീരുമാനമായത്.
അതേസമയം മാര്‍ച്ച് 13ന് ദല്‍ഹിയില്‍ നിന്ന് ആന്ധ്രാ പ്രദേശിലേക്ക് സമ്പര്‍ക് ക്രാന്തി ട്രെയിനില്‍ യാത്ര ചെയ്ത എട്ട് പേര്‍ക്ക് കൊവിഡ് സ്ഥിരീകരിച്ചിട്ടുണ്ട്.
കൊവിഡ് പടരുന്ന സാഹചര്യത്തില്‍ ദല്‍ഹിയില്‍ 50 ശതമാനം ബസ് സര്‍വീസുകളും വെട്ടിക്കുറച്ചിട്ടുണ്ട്. ദല്‍ഹിയില്‍ അഞ്ചു പേരില്‍ കൂടുതല്‍ പേര്‍ കൂട്ടം കൂടുന്നതും വിലക്കിയിട്ടുണ്ട്.
24 മണിക്കൂറിനുള്ളില്‍ രാജ്യത്ത് 98 പേര്‍ക്കാണ് കൊവിഡ് സ്ഥിരീകരിച്ചതെന്ന് കേന്ദ്രം അറിയിച്ചിട്ടുണ്ട്. ദല്‍ഹിയില്‍ മാത്രം 25 പോസിറ്റീവ് കേസുകളുണ്ട്.
രാജ്യത്ത് ഇതുവരെ കൊവിഡ് ബാധിച്ചവരുടെ എണ്ണം 298 ആയി.
