തിയേറ്ററുകളില്‍ മുഴുവന്‍ സീറ്റുകളിലും ആളെയിരുത്താം, വിവാഹത്തിന് 200 പേരെ പങ്കെടുപ്പിക്കാം; കൊവിഡ് നിയന്ത്രണത്തില്‍ ഇളവ് നല്‍കി ദല്‍ഹി സര്‍ക്കാര്‍
ഡൂള്‍ന്യൂസ് ഡെസ്‌ക്
Monday, 1st November 2021, 12:12 pm
ന്യൂദല്‍ഹി: നവംബര്‍ 1 മുതല്‍ ദല്‍ഹിയിലെ സിനിമാ ഹാളുകള്‍, തിയേറ്ററുകള്‍, മള്‍ട്ടിപ്ലക്സുകള്‍ എന്നിവയില്‍ നൂറ് ശതമാനം ആളുകളെ ഉള്‍ക്കൊള്ളിച്ചുകൊണ്ട് വീണ്ടും തുറക്കാന്‍ അനുവദിക്കും.
വിവാഹ ചടങ്ങുകളിലും ശവസംസ്‌കാര ചടങ്ങുകളിലും പങ്കെടുക്കുന്നവരുടെ എണ്ണം 100ല്‍ നിന്ന് 200 ആയി ഉയര്‍ത്താനും അനുമതി നല്‍കി.
ദല്‍ഹി ഡിസാസ്റ്റര്‍ മാനേജ്മെന്റ് അതോറിറ്റിയുടെ ഉത്തരവിലാണ് ഇക്കാര്യം വ്യക്തമാക്കുന്നത്.
കൊവിഡിന്റെ രണ്ടാം തരംഗ ഭീതിയില്‍ കഴിഞ്ഞ ഏപ്രിലിലാണ് സിനിമാ തിയേറ്ററുകള്‍ അടച്ചത്. പിന്നീട് ജൂലായ് അവസാന ആഴ്ചയില്‍ അമ്പത് ശതമാനം ആളുകളെ ഉള്‍ക്കൊള്ളിച്ച് തുറക്കാന്‍ അനുമതി നല്‍കിയിരുന്നു.
