ദല്‍ഹി ആം ആദ്മി കൗണ്‍സിലര്‍ പവന്‍ സെരാഹത്ത് ബി.ജെ.പിയിലേക്ക്; പാര്‍ട്ടി മാറ്റം എം.സി.ഡി സ്റ്റാന്റിങ് കമ്മിറ്റി തെരഞ്ഞെടുപ്പിനിടയില്‍
ഡൂള്‍ന്യൂസ് ഡെസ്‌ക്
Friday, 24th February 2023, 11:10 am
ന്യൂദല്‍ഹി: ആം ആദ്മി കൗണ്‍സിലര്‍ പവന്‍ സെരാഹത്ത് ബി.ജെ.പിയില്‍ ചേര്‍ന്നു. എം.സി.ഡി സ്റ്റാന്റിങ് കമ്മിറ്റിയിലേക്കുള്ള തെരഞ്ഞെടുപ്പ് തുടരുന്നതിനിടിയിലാണ് ഭവന്‍ വാര്‍ഡിലുള്ള കൗണ്‍സിലറുടെ പാര്‍ട്ടി മാറ്റം.
നേരത്തേ ബി.ജെ.പി സ്റ്റാന്റിങ് കമ്മിറ്റിയില്‍ മൂന്ന് സീറ്റ് തികക്കാന്‍ വേണ്ടിയാണ് പ്രശ്‌നമുണ്ടാക്കുന്നതെന്ന് ആം ആദ്മി പാര്‍ട്ടി ഉന്നയിച്ചിരുന്നു. നാമനിര്‍ദേശം ചെയ്യപ്പെട്ട അംഗങ്ങള്‍ക്ക് വോട്ട് ചെയ്യാന്‍ അവസരം നല്‍കണമെന്ന് ആവശ്യപ്പെട്ട് കൊണ്ട് ബി.ജെ.പി സംഘര്‍ഷം ഉണ്ടാക്കിയിരുന്നു.
തുടര്‍ന്ന് ഈ ആവശ്യം ഉന്നയിച്ച് സുപ്രീം കോടതിയെ സമീപിച്ചു. എന്നാല്‍ നാമനിര്‍ദേശം ചെയ്യപ്പെട്ട അംഗങ്ങള്‍ക്ക് വോട്ട് രേഖപ്പെടുത്താന്‍ സാധിക്കില്ലെന്ന് സുപ്രീം കോടതി വ്യക്തമാക്കി.
