നിലപാടും കൊണ്ടും അഭിനയം കൊണ്ടും വ്യത്യസ്തത പുലര്‍ത്തുന്ന താരമാണ് ബോളിവുഡിന്റെ സ്വന്തം ദീപിക പദുകോണ്‍. തന്റെ വ്യത്യസ്ത ലുക്ക് കൊണ്ട് ആരാധകരെ ഞെട്ടിച്ചിരിക്കുകയാണ് താരമിപ്പോള്‍.
പ്രധാന ഫോട്ടോ ഷെയറിംഗ് സൈറ്റായ ഇന്‍സ്റ്റഗ്രാമിലൂടെ ഇപ്പോള്‍ പുറത്തുവന്ന ദീപികയുടെ വിവാഹവധുവിന്റെ ചിത്രമാണ് ആരാധകരെ ഞെട്ടിച്ചിരിക്കുന്നത്. പ്രിയങ്ക ചോപ്രയ്ക്ക് ശേഷം 25 മില്യണ്‍ ഫോളോവേഴ്‌സ് ഇന്‍സ്റ്റഗ്രാമില്‍ ഉള്ള ബോളിവുഡ് നടി കൂടിയാണ് ദീപിക പദുകോണ്‍.
ഒരു ജ്വല്ലറിയ്ക്ക് വേണ്ടി നല്‍കിയ പരസ്യത്തിലെ വിവാഹ വധുവിന്റെ ചിത്രം ദീപിക കഴിഞ്ഞ ദിവസം ഇന്‍സ്റ്റഗ്രാമില്‍ പോസ്റ്റ് ചെയ്തിരുന്നു. ഈ ചിത്രമാണ് ഇപ്പോള്‍ ആരാധകര്‍ക്കിടയില്‍ ചര്‍ച്ചാവിഷയം.
ALSO READ: കാത്തിരിപ്പിന് വിരാമം; പേരന്‍പ് തിയേറ്ററുകളിലേക്ക്; ഫസ്റ്റ് ലുക്ക് പ്രെമോ പുറത്ത് വിട്ടു
പരസ്യചിത്രത്തില്‍ ഇത്രയും ഗ്ലാമറസായി എത്തിയ ദീപികയുടെ വിവാഹവേഷം എങ്ങനെയായിരിക്കുമെന്നാണ് ഇപ്പോള്‍ സോഷ്യല്‍ മീഡിയയിലെ ചര്‍ച്ച.
നിരവധി ഗോസിപ്പുകള്‍ക്ക് ശേഷം ദീപിക- രണ്‍വീര്‍ വിവാഹം നവംബറില്‍ നടക്കാനിരിക്കുന്ന എന്ന വാര്‍ത്തകള്‍ക്ക് പിന്നാലെയാണ് സോഷ്യല്‍ മീഡിയയില്‍ ദീപികയുടെ വിവാഹവേഷത്തെപ്പറ്റിയുള്ള ചര്‍ച്ച സജീവമാകുന്നത്.
ഇരുവരും വിവാഹത്തെപ്പറ്റി തുറന്ന് പറയാന്‍ തയ്യാറായിട്ടില്ല. ഇറ്റലിയിലായിരിക്കും വിവാഹമെന്നാണ് ഇപ്പോള്‍ ലഭിക്കുന്ന റിപ്പോര്‍ട്ടുകള്‍. ബോളിവുഡ് കാത്തിരിക്കുന്ന താരവിവാഹങ്ങളിലൊന്നാണ് ദീപിക രണ്‍വീര്‍ വിവാഹമെന്നാണ് പ്രതീക്ഷിക്കുന്നത്.
അതേസമയം ആരാധക ശ്രദ്ധയും വിവാദങ്ങളും സൃഷ്ടിച്ച പദ്മാവത് ആണ് ദീപികയുടെ അവസാനമായി പുറത്തിറങ്ങിയ ചിത്രം.