നടിയായില്ലായിരുന്നെങ്കില്‍ മികച്ച ബാഡ്മിന്റണ്‍ കളിക്കാരിയായേനെ; ഒരുമിച്ച് ബാഡ്മിന്റണ്‍ കളിച്ച് ദീപികയും പി.വി. സിന്ധുവും; വീഡിയോ
എന്റര്‍ടെയിന്‍മെന്റ് ഡെസ്‌ക്
Friday, 24th September 2021, 5:34 pm
മുംബൈ: സിനിമയില്‍ എത്തിയില്ലായിരുന്നെങ്കില്‍ ബോളിവുഡ് സൂപ്പര്‍ താരമായ ദീപിക പദുക്കോണ്‍ മികച്ച ഒരു ബാഡ്മിന്റണ്‍ കളിക്കാരിയായി മാറാന്‍ സാധ്യതയുണ്ടായിരുന്നെന്ന് ബാഡ്മിന്റണ്‍ താരം പി.വി. സിന്ധു.
കഴിഞ്ഞ ദിവസമാണ് പി.വി. സിന്ധുവും ദീപിക പദുക്കോണും ഒരുമിച്ച് കളിക്കുന്ന വീഡിയോ ഇന്‍സ്റ്റഗ്രാമിലൂടെ പുറത്തുവിട്ടത്. ഇരുവരും ബാഡ്മിന്റണ്‍ കളിക്കുന്ന വീഡിയോയ്‌ക്കൊപ്പം ആരാണ് ജയിച്ചതെന്ന് ഊഹിക്കാനായിരുന്നു ദീപിക തന്റെ ആരാധകരോട് പറഞ്ഞത്.
കഴിഞ്ഞ ദിവസം ദീപികയും സിന്ധുവും രണ്‍വീര്‍ സിംഗും ഡിന്നര്‍ കഴിച്ചതിന്റെ ചിത്രങ്ങളും പുറത്തുവിട്ടിരുന്നു. ദീപികയുടെ പിതാവ് പ്രകാശ് പദുക്കോണ്‍ ഇന്ത്യന്‍ ബാഡ്മിന്റണ്‍ കളിക്കാരനായിരുന്നു.
