തോമസ് മാര്‍ അത്തനാസിയോസിന്റെ മരണം; കാതോലിക്കാബാവ അടക്കം മൂന്ന് പേര്‍ക്കെതിരെ അന്വേഷണം
ഡൂള്‍ന്യൂസ് ഡെസ്‌ക്
Friday, 22nd October 2021, 7:40 pm
കൊച്ചി: ഓര്ത്തഡോക്സ് സഭാ മുന്‍ മുംബൈ ഭദ്രാസനാധിപന്‍ തോമസ് മാര്‍ അത്തനാസിയോസ് തീവണ്ടിയില്‍ നിന്ന് വീണ് മരിച്ച സംഭവത്തില്‍ ഓര്ത്തഡോക്സ് സഭാ കാതോലിക്കാബാവ അടക്കം മൂന്ന് പേര്‍ക്കെതിരെ അന്വേഷണം.
തോമസ് മാര്‍ അത്തനാസിയോസിന്റെ മരണം കൊലപാതകമാണെന്നാരോപിച്ച് പുത്തന്‍കുരിശ് സ്വദേശി തോമസ് ടി. പീറ്റര്‍ നല്‍കിയ പരാതിയിലാണ് അന്വേഷണം.
സംഭവത്തില്‍ എറണാകുളം അഡീഷണല്‍ ചീഫ് ജുഡീഷ്യല്‍ മജിസ്‌ട്രേറ്റ് കോടതി നിര്‍ദ്ദേശ പ്രകാരം നോര്‍ത്ത് പൊലീസ് കേസെടുത്തു.
കൊലപാതകം ഗൂഢാലോചന അടക്കമുള്ള വകുപ്പുകള്‍ പ്രകാരം ആണ് കേസ്. കാതോലിക ബാവയ്ക്ക് പുറമെ , ഗീവര്‍ഗീസ് മാര്‍ യൂലിയോ മെത്രാപോലീത, ഓര്ത്തഡോക്സ് ചര്‍ച്ചു സെക്രട്ടറി ബിജു ഉമ്മന്‍ എന്നിവരെ ഉള്‍പ്പെടുത്തിയാണ് കേസ്.
