ബാഗ്ദാദ്: സര്‍ക്കാര്‍ വിരുദ്ധ പ്രക്ഷോഭം രൂക്ഷമായി തുടരുന്ന ഇറാഖില്‍ സ്‌ഫോടനം. പ്രക്ഷോഭം നടക്കുന്ന ബാഗ്ദാദിലെ തഹ്രീര്‍ സ്‌ക്വയറിനു സമീപമാണ് സ്‌ഫോടനം ഉണ്ടായിരിക്കുന്നത്. സ്‌ഫോടനത്തില്‍ രണ്ടു പേര്‍ മരണപ്പെടുകയും 14 പേര്‍ക്ക് പരിക്കേല്‍ക്കുകയും ചെയ്തതായി സുരക്ഷാ ഉദ്യോഗസ്ഥര്‍ അറിയിച്ചു. മരണപ്പെട്ട രണ്ടു പേരും പ്രക്ഷോഭം നടത്തുന്നവരാണ്. ആക്രമണത്തിന്റെ ഉത്തരവാദിത്തം ഇതുവരെ ആരും ഏറ്റെടുത്തിട്ടില്ല.
ഒക്ടോബര്‍ 1 മുതല്‍ ഇറാഖില്‍ പ്രധാനമന്ത്രി ആദെല്‍ അബ്ദുള്‍ മഹദിക്കെതിരെ നടന്നുകൊണ്ടിരിക്കുന്ന പ്രക്ഷോഭം രൂക്ഷമായ വേളയിലാണ് സ്‌ഫോടനം ഉണ്ടായിരിക്കുന്നത്.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
വെള്ളിയാഴ്ച പ്രക്ഷോഭകരുടെ നേരെയുണ്ടായ സുരക്ഷാ സൈന്യത്തിന്റെ വെടിവെപ്പില്‍ 3 പേരാണ് കൊല്ലപ്പെട്ടത്. ഒരു മാസം പിന്നിട്ട പ്രക്ഷോഭത്തില്‍ മരണപ്പെട്ടവരുടെ എണ്ണം 330 ലേറെയാണെന്നാണ് വാര്‍ത്താ ഏജന്‍സികള്‍ റിപ്പോര്‍ട്ട് ചെയ്യുന്നത്.
