ചെന്നൈ: തമിഴ്‌നാട്ടില്‍ തൊഴിലുറപ്പ് പദ്ധതിയില്‍ (മഹാത്മാഗാന്ധി നാഷണല്‍ റൂറല്‍ എംപ്ലോയ്മെന്റ് ഗ്യാരന്റി ആക്ട്) അഴിമതി നടക്കുന്നതായി റിപ്പോര്‍ട്ട്.
മരിച്ചവരുടെ പേരിലും വ്യാജപേരിലും ആയി 80 പേര് കാഞ്ചീപുരം ജില്ലയില്‍ മഹാത്മാഗാന്ധി നാഷണല്‍ റൂറല്‍ എംപ്ലോയ്മെന്റ് ഗ്യാരണ്ടി ആക്ട് (എംജിഎന്‍ആര്‍ഇജിഎ) പദ്ധതി പ്രകാരം ശമ്പളം വാങ്ങുന്നുണ്ടെന്നാണ് റിപ്പോര്‍ട്ട്. ന്യൂ ഇന്ത്യന്‍ എക്‌സ്പ്രസാണ് വാര്‍ത്ത റിപ്പോര്‍ട്ട് ചെയ്യുന്നത്.
പദ്ധതിയില്‍ പേര് രജിസ്റ്റര്‍ ചെയ്യാന്‍ ചുമതലപ്പെടുത്തിയ രണ്ട് പേര് ഈ വര്‍ഷം മാര്‍ച്ച് മുതല്‍ 11 ലക്ഷം രൂപ തട്ടിയെടുത്തതായി പരാതിയുണ്ട്.
”എന്റെ അച്ഛന്‍ എത്ര ദിവസം ജോലി ചെയ്തുവെന്ന് പരിശോധിക്കാന്‍ എം.ജി.എന്‍.ആര്‍.ഇ.ജി.എ വെബ്സൈറ്റില്‍ കയറിയപ്പോഴാണ് ഈ തട്ടിപ്പിനെ ക്കുറിച്ച് ഞാന്‍ അറിയുന്നത്. പിന്നീട്, ഒരു ബന്ധുവിന്റെ വിവരം പരിശോധിക്കുമ്പോള്‍, ഞാന്‍ തെറ്റായ ഒരു ഐ.ഡി നമ്പര്‍ നല്‍കി, മാസങ്ങള്‍ക്ക് മുമ്പ് മരിച്ച ഒരാളുടെ വിവരങ്ങള്‍ ആ ഐ.ഡിയില്‍ കാണിച്ചു,” ടി മണികണ്ഠന്‍ എന്നയാള്‍ പറഞ്ഞു.
