അത്‌ലെറ്റികോ മാഡ്രിഡിന്റെ അര്‍ജന്റൈന്‍ സൂപ്പര്‍ താരം റോഡ്രിഗോ ഡി പോളിനെ സ്വന്തമാക്കാനുള്ള ശ്രമങ്ങളായിരുന്നു സൗദി അറേബ്യന്‍ ക്ലബ്ബായ അല്‍ അഹ്‌ലി നടത്തിക്കൊണ്ടിരുന്നത്. താരത്തെ വിട്ടുനല്‍കാന്‍ തങ്ങള്‍ തയ്യാറല്ലെന്ന് അത്‌ലെറ്റികോ മാഡ്രിഡ് നേരത്തെ തന്നെ അറിയിച്ചിരുന്നെങ്കിലും ആവശ്യപ്പെടുന്ന തുക നല്‍കിയാല്‍ ഡി പോളിനെ വില്‍ക്കാമെന്ന നിലപാടായിരുന്നു ക്ലബ്ബിന്റേത്.
എന്നാല്‍ 29കാരനായ ഡി പോള്‍ തുടക്കത്തില്‍ തന്നെ അല്‍ അഹ്‌ലിയുടെ ഓഫര്‍ തള്ളിയിരുന്നു. നിലവില്‍ സൗദി അറേബ്യയിലേക്ക് ചേക്കേറാന്‍ താരത്തിന് താത്പര്യമില്ലെന്നും യൂറോപ്പില്‍ തന്നെ തുടരാനാണ് ഡി പോള്‍ പദ്ധതിയിടുന്നതെന്നുമാണ് റിപ്പോര്‍ട്ടുകള്‍ വ്യക്തമാക്കുന്നത്.
സൗദിയുടെ ഓഫര്‍ വന്നപ്പോള്‍ തന്നെ അത്‌ലെറ്റികോ മാഡ്രിഡ് പരിശീലകന്‍ ഡീഗോ സൈമോണിനോടും അര്‍ജന്റൈന്‍ കോച്ച് ലയണല്‍ സ്‌കലോണിയോടും ഡി പോള്‍ അഭിപ്രായം തേടിയിരുന്നു. അവരുടെ കൂടി നിര്‍ദേശ പ്രകാരമാണ് ഡി പോള്‍ സൗദി അറേബ്യയുടെ ഓഫര്‍ വേണ്ടെന്ന് വെച്ചത്.
(🌕) BREAKING: Rodrigo De Paul has officialy REJECTED an offer from Al-Ahli! He STAYS in Europe. @gastonedul 🚨🇸🇦🇦🇷 pic.twitter.com/qtlkIxm3w5
— All About Argentina 🛎🇦🇷 (@AlbicelesteTalk) August 21, 2023
