ഐ.സി.സി ഏകദിന ലോകകപ്പിന് ശേഷം നടക്കുന്ന ഇന്ത്യ-ഓസ്‌ട്രേലിയ ടി-20 പരമ്പരയില്‍ നിന്നും പിന്‍മാറി ഓസ്‌ട്രേലിയ ബാറ്റര്‍ ഡേവിഡ് വാര്‍ണര്‍. നവംബര്‍ 23 മുതല്‍ ഡിസംബര്‍ മൂന്ന് വരെയാണ് ഇന്ത്യയും ഓസ്‌ട്രേലിയയും തമ്മിലുള്ള അഞ്ച് ടി-20 മത്സരങ്ങള്‍ നടക്കുക.
ലോകകപ്പ് വിജയത്തിന് പിന്നാലെ ഡേവിഡ് വാര്‍ണര്‍ നാട്ടിലേക്ക് മടങ്ങുന്നതിനാല്‍ താരം പരമ്പരയില്‍ നിന്നും പിന്മാറുന്നു എന്നാണ് ക്രിക്കറ്റ് ഓസ്‌ട്രേലിയ അറിയിച്ചത്.
വാര്‍ണര്‍ക്ക് പകരം ആരോണ്‍ ഹാര്‍ഡിയെ ടീമില്‍ ഉള്‍പ്പെടുത്തിയെന്നും ക്രിക്കറ്റ് ഓസ്‌ട്രേലിയ അറിയിച്ചു.
ലോകകപ്പില്‍ തകര്‍പ്പന്‍ പ്രകടനമാണ് ഡേവിഡ് വാര്‍ണര്‍ ഓസ്‌ട്രേലിയക്ക് വേണ്ടി കാഴ്ചവെച്ചത്. 11 മത്സരങ്ങളില്‍ നിന്നും 533 റണ്‍സാണ് വാര്‍ണര്‍ അടിച്ചുകൂട്ടിയത്. ലോകകപ്പില്‍ ഓസ്‌ട്രേലിയക്ക് വേണ്ടി ഏറ്റവും കൂടുതല്‍ റണ്‍സ് നേടിയ താരമായി മാറാനും വാര്‍ണറിന് സാധിച്ചിരുന്നു.
വാര്‍ണര്‍ ഇല്ലെങ്കിലും ലോക വിജയിച്ച ഓസ്‌ട്രേലിയന്‍ ടീമിലെ ഏഴ് താരങ്ങളാണ് ഇന്ത്യക്കെതിരായ പരമ്പരയില്‍ കളിക്കുക. ഷോണ്‍ ആബട്ട്, ട്രാവിസ് ഹെഡ്, ജോഷ് ഇംഗ്ലിസ്, ഗ്ലെന്‍ മാക്സ്വെല്‍, സ്റ്റീവ് സ്മിത്ത്, മാര്‍ക്കസ് സ്റ്റോണിസ്, ആദം സാംപ തുടങ്ങിയ ലോകകപ്പ് റോഡില്‍ ഉണ്ടായിരുന്ന താരങ്ങളാണ് ഇന്ത്യക്കെതിരെ ഇറങ്ങുക.
പരമ്പരക്കുള്ള ഇന്ത്യന്‍ ടീമിനെ കഴിഞ്ഞ ദിവസം പ്രഖ്യാപിച്ചിരുന്നു. ലോകകപ്പില്‍ ഉണ്ടായ പ്രധാനകാരങ്ങളോന്നുമില്ലാതെയാണ് ഇന്ത്യന്‍ ടീം ഇറങ്ങുന്നത്. സൂര്യകുമാര്‍ യാദവിന്റെ നേതൃത്വത്തില്‍ ഒരുപിടി യുവ നിരയുമായാണ് ഇന്ത്യന്‍ ടീം വരുന്നത്.
NO DAVID WARNER IN AUSTRALIA’s T20 SQUAD vs INDIA
AUSTRALIA SQUAD –
Matthew Wade (capt), Travis Head, Steven Smith, Glenn Maxwell, Matt Short, Marcus Stoinis, Tim David, Josh Inglis, Aaron Hardie, Jason Behrendorff, Sean Abbott, Nathan Ellis, Kane Richardson, Adam Zampa,… pic.twitter.com/HvoOf0Zskj
