സൗദി കിരീടാവകാശി മുഹമ്മദ് ബിന്‍ സല്‍മാന്‍ കുടുംബത്തെ വേട്ടയാടുന്നു; ജയിലിലുള്ള ബന്ധുക്കളെ പുറത്തിറക്കാന്‍ ബൈഡനോട് സഹായമഭ്യര്‍ത്ഥിച്ച് മുന്‍ സൗദി ചാരന്റെ മകള്‍
മുഹമ്മദ് ബിന്‍ സല്‍മാന്‍ തന്നെ വധിക്കാന്‍ ശ്രമിക്കുന്നുണ്ടെന്ന ആരോപണവുമായി നേരത്തെ അല്‍ജബ്രി രംഗത്തെത്തിയിരുന്നു. 2014ല്‍ അന്നത്തെ സൗദി രാജാവായിരുന്ന അബ്ദുല്ല ബിന്‍ അബ്ദുലസീസിനെ വധിക്കണമെന്ന് മുഹമ്മദ് ബിന്‍ സല്‍മാന്‍ പറയുന്ന വീഡിയോ തന്റെ പക്കലുണ്ടെന്നും അത് അറിയാവുന്നത് കൊണ്ടാണ് തന്നെ വധിക്കാന്‍ ശ്രമിക്കുന്നതെന്നുമായിരുന്നു അല്‍ജബ്രി പറഞ്ഞത്.
”എം.ബി.എസ് ഇപ്പോള്‍ എന്താണോ ചെയ്തുകൊണ്ടിരിക്കുന്നത് അത് ചെയ്യുന്നതില്‍ നിന്നും അവരെ തടഞ്ഞാല്‍ മാത്രമേ ഞങ്ങള്‍ സുരക്ഷിതരാകൂ.
ഭയത്തിലാണ് ഞങ്ങള്‍ ജീവിക്കുന്നത്. ഇത്തരം ആളുകള്‍ കുടുംബാംഗങ്ങളെ വേട്ടയാടുകയും വധിക്കാന്‍ സംഘങ്ങളെ അയയ്ക്കുകയും എംബസികളിലും കോണ്‍സുലേറ്റിലും വെച്ച് ആളുകളെ കൊല്ലുകയും ചെയ്യുമ്പോള്‍ എങ്ങനെയാണ് സുരക്ഷിതത്വം തോന്നുക” മുസെയ്‌നി പറഞ്ഞു.
സൗദി മുന്‍ കിരീടാവകാശിയും ആഭ്യന്തരമന്ത്രിയുമായ മുഹമ്മദ് ബിന്‍ നയഫിന്റെ ഏറ്റവും അടുത്ത ആളായിരുന്നു സാദ് അല്‍ജബ്രി. 2017ല്‍ നയഫ് പുറത്താക്കപ്പെട്ടതിനെത്തുടര്‍ന്നാണ് എം.ബി.എസ് കിരീടാവകാശിയായത്.
നയഫ് അധികാരത്തിലിരുന്ന സമയത്ത് രാജ്യം വിട്ട അല്‍ജബ്രി ഇപ്പോള്‍ കാനഡയിലാണ് താമസിക്കുന്നത്. ഇദ്ദേഹത്തെ സൗദിയിലേയ്ക്ക് തിരിച്ചെത്തിക്കാനാണ് കുടുംബാംഗങ്ങളെ ജയിലിലടച്ചതെന്നാണ് ഉയരുന്ന ആരോപണം.
