സിനിമാ ലൊക്കേഷനുകളുടെയും താരങ്ങളുടെയും സുരക്ഷാ ജീവനക്കാരനായിരുന്ന മാറനല്ലൂര്‍ ദാസ് അന്തരിച്ചു; ആദരാഞ്ജലികളുമായി മമ്മൂട്ടിയും മോഹന്‍ലാലും
ഡൂള്‍ന്യൂസ് ഡെസ്‌ക്
Friday, 12th June 2020, 7:03 pm
തിരുവനന്തപുരം: സിനിമാ ലൊക്കേഷനുകളിലെ സെക്യൂരിറ്റി സൂപ്പര്‍വൈസര്‍ ആയിരുന്ന മാറനല്ലൂര്‍ ദാസ് (46) അന്തരിച്ചു. തിരുവനന്തപുരം മെഡിക്കല്‍ കോളേജില്‍ മഞ്ഞപ്പിത്തത്തിന് ചികിത്സയിലായിരുന്നു. ഷൈജയാണ് ഭാര്യ, മകള്‍ നൈന ദാസ്, മകന്‍ നയന്‍ ദാസ്.
മലയാള സിനിമയില്‍ തന്നെ സെറ്റ് സെക്യൂരിറ്റി സൂപ്പര്‍വൈസിംഗ് ആദ്യമായി ആരംഭിച്ചത് ദാസിന്റെ നേതൃത്വത്തിലായിരുന്നു. മമ്മൂട്ടി, മോഹന്‍ലാല്‍, തമിഴ് താരങ്ങളായ വിജയ്, സൂര്യ തുടങ്ങി നിരവധി താരങ്ങളുടെ സുരക്ഷാ ചുമതല ദാസ് വഹിച്ചിരുന്നു.
