മഥുര: ഉത്തര്‍പ്രദേശിന് സമീപം മഥുരയില്‍ ദളിത് യുവാവിന് നേരേ ആക്രമണം. പാന്‍മസാല നല്‍കാത്തതിന് ദളിത് യുവാവിനെ മണ്ണെണ്ണ ഒഴിച്ച് കത്തിച്ചതായാണ് പരാതി.
ദളിത് വിഭാഗത്തില്‍പ്പെട്ട പര്‍ദേസി എന്ന യുവാവിനാണ് പൊള്ളലേറ്റത്. മഥുരയ്ക്കടുത്ത് സപോഹയിലായിരുന്നു ആക്രമണം.
നഗരത്തിനടുത്തുള്ള കടയില്‍ നിന്നും പര്‍ദേസി പാന്‍മസാല വാങ്ങിയിരുന്നു. വാങ്ങിയ പാന്‍മസാല നല്‍കാന്‍ രാജു ,ഠാക്കൂര്‍ എന്നീ യുവാക്കള്‍ പര്‍ദേസിയോട് ആവശ്യപ്പെട്ടു.
താന്‍ വാങ്ങിയ പാന്‍മസാല നല്‍കില്ലെന്ന് പര്‍ദേസി ഇവരോട് പറഞ്ഞു. ഇതാണ് ഇവരെ പ്രകോപിതരാക്കിയതെന്നാണ് പൊലീസ് പറയുന്നത്.
ALSO READ: ഛത്തീസ്ഗഡില്‍ അജിത് ജോഗിയുടെ പാര്‍ട്ടിയില്‍ നിന്ന് 40 പേര്‍ കോണ്‍ഗ്രസിലേക്ക്
തുടര്‍ന്ന് രണ്ടാളും കൂടിച്ചേര്‍ന്ന് പര്‍ദേസിയുടെ ശരീരത്തില്‍ മണ്ണെണ്ണ ഒഴിച്ച് തീകൊളുത്തുകയായിരുന്നു. ജനത്തിരക്കുള്ള സ്ഥലത്തുവച്ചാണ് പര്‍ദേസിയുടെ നേരേ മണ്ണെണ്ണ ഒഴിച്ച് തീകൊളുത്താന്‍ ശ്രമിച്ചത്.
സംഭവം കണ്ട നാട്ടുകാര്‍ ഉടന്‍ തന്നെ പര്‍ദേസിയെ ആശുപത്രിയിലെത്തിക്കുകയായിരുന്നു. ശരീരത്തില്‍ ഏകദേശം 20 ശതമാനത്തോളം പരിക്കേറ്റ പര്‍ദേസി ഇപ്പോള്‍ ചികിത്സയിലാണ്. അപകടനില തരണം ചെയ്തുവെന്നാണ് ആശുപത്രി വൃത്തങ്ങള്‍ നല്‍കുന്ന സൂചന.
അതേസമയം സംഭവവുമായി ബന്ധപ്പെട്ട് ഇതുവരെ ആരെയും പൊലീസ് അറസ്റ്റ് ചെയ്തിട്ടില്ല. കൃത്യം നടത്തിയ രാഹുല്‍ ,ഠാക്കൂര്‍ എന്നിവര്‍ ഇപ്പോള്‍ ഒളിവിലാണ്.