ബോളിംഗ് കോച്ചാവാനൊരുങ്ങി ഡെയ്ല്‍ സ്റ്റെയ്ന്; ഐ.പി.എല്ലില്‍ സ്റ്റെയ്‌നെ വരവേല്‍ക്കാനൊരുങ്ങി ഈ ടീം
സ്പോര്‍ട്സ് ഡെസ്‌ക്
Thursday, 16th December 2021, 4:23 pm
ഐ.പി.എല്ലിന്റെ പുതിയ സീസണില്‍ സണ്‍റൈസേഴ്‌സ് ഹൈദരാബാദിന്റെ ബോളിംഗ് കോച്ചാവാനൊരുങ്ങി ദക്ഷിണാഫ്രിക്കന്‍ പേസര്‍ ഡെയ്ല്‍ സ്റ്റെയ്ന്. ദക്ഷിണാഫ്രിക്കന്‍ ബൗളിംഗിന്റെ കുന്തമുനയായ സ്റ്റെയ്ന് കീഴില്‍ ബൗളിംഗ് ഡിപ്പാര്‍ട്ട്‌മെന്റിനെ രാകി കൂര്‍പ്പിച്ചെടുക്കാന്‍ ഒരുങ്ങുകയാണ് സണ്‍ റൈസേഴ്‌സ്.
ക്രിക്ബസ്സാണ് ഈ വാര്‍ത്ത റിപ്പോര്‍ട്ട് ചെയ്യുന്നത്. ഹൈദരാബാദ് സ്റ്റെയ്ന് മുന്നില്‍ കോണ്‍ട്രാക്ട് വെച്ചെന്നും സ്റ്റെയ്ന് ഓഫര്‍ സ്വീകരിച്ചെന്നുമാണ് റിപ്പോര്‍ട്ടുകള്‍.
ഐ.പി.എല്ലിന്റെ ഉദ്ഘാടന സീസണ്‍ മുതല്‍ ഐ.പി.എല്ലിന്റെ ഭാഗമായ സ്റ്റെയ്ന് നിരവധി ടീമുകളുടെ ഭാഗമായിട്ടുണ്ട്.
