ന്യൂദല്‍ഹി: മാധ്യമസ്ഥാപനമായ ദൈനിക് ഭാസ്‌കറിന്റെ ഓഫീസില്‍ ആദായനികുതി വകുപ്പ് നടത്തിയ റെയ്ഡിന് പിന്നാലെ കേന്ദ്രസര്‍ക്കാരിന് മറുപടിയുമായി പത്രം.
സര്‍ക്കാര്‍ ചെയ്തത് സര്‍ക്കാരിന്റെ പണി ആണ്, എന്നാല്‍ കുറച്ചുകാലമായി ഞങ്ങള്‍ ചെയ്ത പണി ഇതാണ് എന്ന് പറഞ്ഞുകൊണ്ട് കൊവിഡ് കാലത്ത് സര്‍ക്കാരിന്റെ ഭാഗത്തുനിന്നുണ്ടായ വീഴ്ചകള്‍ ചൂണ്ടിക്കാട്ടി നല്‍കിയ വാര്‍ത്തകളുടെ കട്ടിംഗുകള്‍ ദൈനിക് ഭാസ്‌കര്‍ ട്വിറ്ററില്‍ പങ്കുവെച്ചു.
രാജ്യത്ത് കൊവിഡ് മൂലം മരണ സഖ്യ ഉയരുന്നതും, കൊവിഡ് മൂലം മരിച്ചവരുടെ മൃതശരീരം നദിയില്‍ തള്ളിയതടക്കമുള്ള റിപ്പോര്‍ട്ടുകളാണ് പത്രം പങ്കുവെച്ചത്. ഗംഗയില്‍ കൊവിഡ് രോഗികളുടെ മൃതദേഹം ഒഴുക്കിവിടുന്നെന്ന റിപ്പോര്‍ട്ടും ദൈനിക് ഭാസ്‌കറിന്റേതായിരുന്നു.
കഴിഞ്ഞദിവസം, ദൈനിക് ഭാസ്‌കര്‍ ഗ്രൂപ്പിന്റെ രാജ്യത്തെ വിവിധ ഓഫീസുകളിലാണ് ഒരേസമയം പരിശോധന നടന്നത്.
കേന്ദ്രസര്‍ക്കാരിനെതിരെ നിരന്തരം വാര്‍ത്ത കൊടുക്കുന്ന മാധ്യമസ്ഥാപനമാണ് ദൈനിക് ഭാസ്‌കര്‍. കൊവിഡ് നിയന്ത്രണത്തിലെ വീഴ്ചകള്‍ ചൂണ്ടിക്കാട്ടി റിപ്പോര്‍ട്ടുകള്‍ പ്രസിദ്ധീകരിച്ചതാണ് ആദായനികുതു വകുപ്പിന്റെ നടപടിക്ക് പിന്നിലെന്നാണ് വിമര്‍ശനം.
രാജ്യത്തെ എല്ലായിടത്തുമായി വിവിധ ഭാഷകളില്‍ 60 എഡിഷനുള്ള മാധ്യമസ്ഥാപനാണ് ദൈനിക് ഭാസ്‌കര്‍. മധ്യപ്രദേശാണ് ആസ്ഥാനം.
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം
Content Highlights: Dainik Bhaskar Reply to modi government