കൊവിഡ് വ്യാപനം രൂക്ഷം: ഫോര്‍ട്ട് കൊച്ചിയില്‍ കര്‍ഫ്യൂ; ബലിപെരുന്നാളിന് ഇളവുകളില്ല
ഡൂള്‍ന്യൂസ് ഡെസ്‌ക്
Thursday, 30th July 2020, 5:30 pm
കൊച്ചി: കൊവിഡ് വ്യാപനം രൂക്ഷമായ സാഹചര്യത്തില്‍ എറണാകുളം ഫോര്‍ട്ട് കൊച്ചിയില്‍ കര്‍ഫ്യൂ ഏര്‍പ്പെടുത്തി. പ്രദേശത്ത് സ്ഥിതി ആശങ്കജനകമായി തുടരുന്നതിനാലാണ് നടപടിയെന്ന് മന്ത്രി വി.എസ് സുനില്‍കുമാര്‍ പറഞ്ഞു.
ബലിപെരുന്നാള്‍ പ്രമാണിച്ച് യാതൊരു ഇളവുകളും പ്രദേശത്ത് ഉണ്ടാവുകയില്ല. കണ്ടൈയ്ന്‍മെന്റ് സോണുകളില്‍ കൂട്ടം ചേര്‍ന്നുള്ള ബലി പെരുന്നാള്‍ കര്‍മ്മങ്ങള്‍ ഒന്നും തന്നെ അനുവദിക്കില്ലെന്നും മന്ത്രി പറഞ്ഞു.
