ന്യൂദല്‍ഹി: പാര്‍ലമെന്റ് ശീതകാല സമ്മേളനം കേന്ദ്രസര്‍ക്കാര്‍ വെട്ടിച്ചുരിക്കിയെന്ന് വിമര്‍ശനം. ഡിസംബര്‍ ഏഴ് മുതല്‍ 29 വരെ നടക്കുന്ന പാര്‍ലമെന്റ് ശീതകാല സമ്മേളനം ഗുജറാത്ത് തെരഞ്ഞെടുപ്പ് മുന്നില്‍ കണ്ട് നീട്ടിയെന്നും വിമര്‍ശനമുണ്ട്.
നവംബര്‍, ഡിസംബര്‍ മാസങ്ങളിലായിട്ടാണ് സാധാരണ ശീതകാല സമ്മേളനം നടക്കാറുള്ളത്. എന്നാല്‍ ഇത് ഗുജറാത്ത് തെരഞ്ഞെടുപ്പ് കാരണം ഡിസംബറിലേക്ക് നീട്ടിയെന്നും വെറും 17 സിറ്റിങ് ആക്കി സമ്മേളനം കുറച്ചുവെന്നും പ്രതിപക്ഷ എം.പിമാര്‍ പറഞ്ഞു.
ഡിസംബര്‍ ഒന്ന് മുതല്‍ അഞ്ച് വരെ രണ്ട് ഘട്ടങ്ങളിലായാണ് ഗുജറാത്ത് തെരഞ്ഞെടുപ്പ് നടക്കുന്നത്. ഡിസംബര്‍ എട്ടിനാണ് ഫലപ്രഖ്യാപനം. ഡിസംബറില്‍ സമ്മേളനം ചേരുന്നത് തങ്ങളുടെ ക്രിസ്മസ് ആഘോഷങ്ങള്‍ക്ക് തടസ്സമാകുമെന്ന് വടക്ക് കിഴക്കന്‍ സംസ്ഥാനങ്ങളിലെ പ്രതിപക്ഷ എം.പിമാര്‍ പരാതിപ്പെട്ടു.
Parliament session will only start after Gujarat elections. And work for only 17 sittings.
The largest democracy has been reduced to an electoral tool in the hands of a naked emperor.— Mahua Moitra (@MahuaMoitra) November 19, 2022
